ഇംഫാൽ: സംസ്ഥാനത്ത് സമാധാനം ക്രമേണ തിരിച്ചുവരികയാണെന്ന് മണിപ്പൂർ മുഖ്യമന്ത്രി എൻ. ബിരേൻ സിംഗ് തിങ്കളാഴ്ച പറഞ്ഞു. ക്ഷേമാനുകൂല്യങ്ങൾ വിതരണം ചെയ്യുന്ന ചടങ്ങിൽ പൊതുജനങ്ങളെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം.
പ്രത്യേകിച്ച് കഴിഞ്ഞ നാല് മാസമായിട്ടാണ് സമാധാനം തിരിച്ചെത്തുന്നതെന്ന് അദ്ദേഹം വ്യക്തമാക്കി. “സമാധാനം തിരിച്ചുവരാൻ ഞങ്ങൾ കഠിനമായി പരിശ്രമിക്കുകയാണ്. കഴിഞ്ഞ വർഷം മെയ് 3 ന് അക്രമം പൊട്ടിപ്പുറപ്പെട്ടതിനെ തുടർന്നുള്ള കാലയളവിനെ അപേക്ഷിച്ച് കഴിഞ്ഞ നാല് മാസത്തിനുള്ളിൽ സമാധാനം തിരിച്ചെത്തിത്തുടങ്ങി.” – ബിരേൻ സിംഗ് പറഞ്ഞു.
മേയ് 3-ലെ സംഭവത്തെ അനുസ്മരിച്ചുകൊണ്ട് സിംഗ് ഖേദം പ്രകടിപ്പിച്ചു, “നിർഭാഗ്യകരമായിരുന്നു , സർക്കാരിനെതിരെ ലക്ഷ്യബോധത്തോടെയുള്ള ആക്രമണങ്ങൾ ഉണ്ടാകുമെന്ന് ഞങ്ങൾ പ്രതീക്ഷിച്ചിരുന്നില്ല.” – അദ്ദേഹം കൂട്ടിച്ചേർത്തു.
