ന്യൂദല്ഹി: തെരഞ്ഞെടുപ്പ് ബോണ്ട് കേസില് വിവരങ്ങള് നല്കാന് സമയം നീട്ടി നല്കണമെന്ന എസ്ബിഐയുടെ അപേക്ഷ സുപ്രീം കോടതി അംഗീകരിച്ചില്ല. വിവരങ്ങള് നാളെ കൈമാറണമെന്ന് കോടതി ഉത്തരവിട്ടു.
തെരഞ്ഞെടുപ്പ് കമ്മീഷന് വിവരങ്ങള് 15ന് പ്രസിദ്ധീകരിക്കണമെന്നും കോടതി ആവശ്യപ്പെട്ടു. ബോണ്ട് വാങ്ങിയവരുടെയും രാഷ്ട്രീയ പാര്ട്ടികള്ക്ക് കിട്ടിയ ബോണ്ടുകളുടെയും വിവരങ്ങള് എസ്ബിഐയുടെ പക്കലുണ്ട്. വിശദാംശങ്ങള് ലഭ്യമാണെന്നിരിക്കെ പിന്നെന്തിനാണ് സാങ്കേതികത്വം പറഞ്ഞ് വൈകിപ്പിക്കുന്നതെന്ന് കോടതി ചോദിച്ചു.
തെരഞ്ഞെടുപ്പ് കമ്മീഷന് വാദത്തിനിടെ നല്കിയ മുദ്രവച്ച കവര് കോടതി തുറന്നു. തെരഞ്ഞെടുപ്പ് കമ്മീഷന് ഇത് വരെ നല്കിയ വിവരങ്ങള് ഉടന് പ്രസിദ്ധീകരിക്കണമെന്ന് കോടതി ആവശ്യപ്പെട്ടു. കോടതിയില് നല്കിയ വിവരങ്ങള് പ്രസിദ്ധീകരിക്കും. നടപ്പാക്കിയില്ലെങ്കില് കോടതിയലക്ഷ്യ നടപടി സ്വീകരിക്കുമെന്ന് സുപ്രീം കോടതി ഭരണഘടനാ ബെഞ്ച് മുന്നറിയിപ്പ് അതേ സമയം, ആരുടെ ബോണ്ട് എത് രാഷ്ട്രീയ പാര്ട്ടിക്ക് കിട്ടിയെന്ന വിവരം ഉടന് വരില്ല.
