ഹോളി പ്രമാണിച്ച് ചെന്നൈയ്‌ക്ക് സ്‌പെഷല്‍ ട്രെയിനുകള്‍

ചെന്നൈ: ഹോളി പ്രമാണിച്ച് യാത്രക്കാരുടെ തിരക്ക് കണക്കിലെടുത്ത് ദക്ഷിണ റെയില്‍വേ സ്‌പെഷല്‍ ട്രെയിനുകള്‍ പ്രഖ്യാപിച്ചു. നാഗര്‍കോവിലില്‍ നിന്ന് തിരുവനന്തപുരം വഴി ചെന്നൈയിലേക്ക് രണ്ട് സൂപ്പര്‍ ഫാസ്റ്റ് ട്രെയിനുകളാണ് പ്രഖ്യാപിച്ചത്.

10, 24, 17, 31 തിയതികളിലാണ് നാഗര്‍കോവില്‍ – ചെന്നൈ സര്‍വീസ്. 11, 25, 18, ഏപ്രില്‍ ഒന്ന് തീയതികളിലാണ് ചെന്നൈയില്‍ നിന്ന് നാഗര്‍കോവിലിലേക്കുള്ള സര്‍വീസ്.

06019 നാഗര്‍കോവില്‍- ചെന്നൈ സെന്‍ട്രല്‍ സൂപ്പര്‍ ഫാസ്റ്റ് സ്‌പെഷല്‍ ട്രെയിന്‍ 10, 24 (തിങ്കളാഴ്ചകളില്‍) നാഗര്‍കോവിലില്‍നിന്ന് വൈകിട്ട് 05:45നാണ് പുറപ്പെട്ട് പിറ്റേന്ന് ഉച്ചയ്‌ക്ക് 12:10ന് ചെന്നൈയിലെത്തും. മടക്കയാത്ര 06020 ട്രെയിന്‍ 11, 25 തീയതികളില്‍ വൈകിട്ട് 03:10ന് ചെന്നൈയില്‍ നിന്ന് പുറപ്പെട്ട് പിറ്റേന്ന് രാവിലെ 08:30ന് നാഗര്‍കോവിലിലെത്തും.

വൈകിട്ട് 05:45ന് നാഗര്‍കോവിലില്‍ നിന്നും പുറപ്പെടുന്ന ട്രെയിന്‍ 07:35ന് തിരുവനന്തപുരത്തെത്തും. 08:42 കൊല്ലം, 09:34 ചെങ്ങന്നൂര്‍, 10:05 കോട്ടയം, 11:45 എറണാകുളം നോര്‍ത്ത്, 01:07 തൃശ്ശൂര്‍, 02:37 പാലക്കാട് സ്റ്റേഷനുകളില്‍ സ്റ്റോപ്പുണ്ട്. മടക്കയാത്ര 03:20ന് ചെന്നൈയില്‍ നിന്ന് പുറപ്പെട്ട് രാത്രി 11:17ന് പാലക്കാട് സ്റ്റേഷനിലെത്തും. 12:25 തൃശ്ശൂര്‍, 01:55 എറണാകുളം നോര്‍ത്ത്, 03:00 കോട്ടയം, 03:44 ചെങ്ങന്നൂര്‍, 04:47 കൊല്ലം, 06:20ന് തിരുവനന്തപുരം സെന്‍ട്രലിലെത്തിച്ചേരും.