ഭാരതത്തിന്റെ നാരീ ശക്തിയില്‍ അഭിമാനം, സര്‍ക്കാര്‍ ലക്ഷ്യം വയ്‌ക്കുന്നത് സ്ത്രീകേന്ദ്രീകൃത വികസനം; അന്താരാഷ്‌ട്ര വനിത ദിനാശംസകള്‍ നേര്‍ന്ന് പ്രധാനമന്ത്രി

ന്യൂദല്‍ഹി: രാജ്യത്തുടനീളമുള്ള സ്ത്രീശക്തികള്‍ക്ക് അന്താരാഷ്‌ട്ര വനിതാ ദിന ആശംസകള്‍ നേര്‍ന്ന് പ്രധാനമന്ത്രി നരേന്ദ്രമോദി. ഞങ്ങളുടെ നാരീ ശക്തിയുടെ ധൈര്യം, പ്രതിരോധശേഷി, ശക്തി, എന്നിവയെ ഞങ്ങള്‍ അഭിവാദ്യം ചെയ്യുകയും വിവിധ മേഖലകളിലെ അവരുടെ നേട്ടങ്ങളെ അഭിനന്ദിക്കുന്നുവെന്നും അദേഹം പ്രതികരിച്ചു.

Greetings on International Women's Day! We salute the strength, courage, and resilience of our Nari Shakti and laud their accomplishments across various fields. Our government is committed to empowering women through initiatives in education, entrepreneurship, agriculture,…

— Narendra Modi (@narendramodi) March 8, 2024

വിദ്യാഭ്യാസം, സംരംഭകത്വം, കൃഷി, സാങ്കേതിക വിദ്യ തുടങ്ങിയ മേഖലകളിലെ സംരംഭങ്ങളിലൂടെ സ്ത്രീകളെ ശാക്തീകരിക്കാന്‍ ഞങ്ങളുടെ സര്‍ക്കാര്‍ പ്രതിജ്ഞാബദ്ധമാണ്. രാജ്യത്തിന്റെ വികസന യാത്രയില്‍ നമ്മുടെ നാരീശക്തി വഹിച്ച പങ്ക് ചെറുതല്ല. വരും കാലങ്ങളിലും സ്ത്രീകളെ മുന്‍നിരയില്‍ നിര്‍ത്താനുള്ള കേന്ദ്രസര്‍ക്കാരിന്റെ ശ്രമങ്ങള്‍ തുടരും അദേഹം സമൂഹ മാധ്യമമായ എക്‌സില്‍ കുറിച്ചു.