ഇന്ത്യന്‍ വനിതാ പ്രീമിയര്‍ ലീഗില്‍ ഗുജറാത്ത് ജയന്റ്‌സിന് ആദ്യ വിജയം. ഇന്ന് ആര്‍ സി ബിയെ 19 റണ്‍സിനാണ് ഗുജറാത്ത് ജയന്റ്‌സ് തോല്‍പ്പിച്ചത്. ഇതിനു മുന്നെ നടന്ന നാല് മത്സരങ്ങളും ഗുജറാത്ത് പരാജയപ്പെടുത്തിയിരുന്നു. ഗുജറാത്ത് ഉയര്‍ത്തിയ 200 എന്ന വിജയലക്ഷ്യം പിന്തുടര്‍ന്ന് ആര്‍ സി ബി 20 ഓവറി 1808 എന്ന സ്‌കോറേ എടുത്തുള്ളൂ.
48 റണ്‍സ് എടുത്ത സോഫി വെരാമും 30 റണ്‍സ് എടുത്ത റിച്ച ഘോഷും പൊരുതാന്‍ ശ്രമിച്ചു എങ്കിലും അവര്‍ക്ക് വിജയ ലക്ഷ്യത്തിന് അടുത്ത് എത്താന്‍ ആയില്ല. ക്യാപ്റ്റന്‍ സ്മൃതി മന്ദാന 24 റണ്‍സ് മാത്രമെ ഇന്ന് എടുത്തുള്ളൂ.
ആദ്യം ബാറ്റ് ചെയ്ത ഗുജറാത്ത് ജയന്റ്‌സ് 20 ഓവറില്‍ 199 എന്ന മികച്ച സ്‌കോര്‍ ആണ് ഉയര്‍ത്തിയത്. ആര്‍സിബി ബോളര്‍മാര്‍ക്ക് ഒരുവിധത്തിലും ഗുജറാത്തിന്റെ ഓപ്പണര്‍മാരെ തടയാനായില്ല. ഓപ്പണര്‍മാരായ ബെത് മൂണിയും വോള്‍വാര്‍ഡ്റ്റും മികച്ച ബാറ്റിംഗാണ് കാഴ്ചവച്ചത്.
ആദ്യ വിക്കറ്റില്‍ ഇരുവരും ചേര്‍ന്ന് 13 ഓവറില്‍ 140 റണ്‍സ് എടുത്തു. 45 പന്തില്‍ നിന്ന് 76 റണ്‍സ് എടുക്കാന്‍ വോള്‍വോര്‍ഡ്റ്റിനായി. താരം അവസാനം റണ്‍ഔട്ട് ആവുകയായിരുന്നു. 13 ബൗണ്ടറുകള്‍ താരം അടിച്ചു.
ബെത് മൂണി 85 റണ്‍സുമായി പുറത്താകാതെ നിന്നു. 51 പന്തില്‍ നിന്നായിരുന്നു 85 റണ്‍സ് എടുത്തത്. 12 ഫോറും ഒരു സിക്‌സും താരത്തിന്റെ ഇന്നിംഗ്‌സില്‍ ഉള്‍പ്പെടുന്നു.
പ്രതികരിക്കാൻ ഇവിടെ എഴുതുക: