കണ്ണൂര്‍: ലോക്‌സഭ തെരഞ്ഞെടുപ്പില്‍ കേരളത്തില്‍ പോരാട്ടം ഇടതുപക്ഷവും ബിജെപിയും തമ്മിലാണെന്ന് ഇടതുമുന്നണി കണ്‍വീനര്‍ ഇ പി ജയരാജന്‍. പല മണ്ഡലങ്ങളിലും രണ്ടാം സ്ഥാനത്ത് ബിജെപി ആയിരിക്കും എത്തുക.
കോണ്‍ഗ്രസ് ഇനിയും ദുര്‍ബലമാകുമെന്നും മുസ്ലീം ലീഗ് ഇനിയെങ്കിലും മാറി ചിന്തിക്കണമെന്നും ഇ പി ജയരാജന്‍ പറഞ്ഞു. രാജ്യം നേരിടുന്ന പ്രശ്‌നം പരിഹരിക്കാന്‍ ആരോടൊപ്പം ചേരണമെന്ന് മുസ്ലീം ലീഗ് ചിന്തിക്കണം.
സ്വകാര്യ വാര്‍ത്താ ചാനലിനോട് സംസാരിക്കുകയായിരുന്നു ഇ പി ജയരാജന്‍.
ലോക് സഭാ തെരഞ്ഞെടുപ്പില്‍ സ്ഥാനാര്‍ത്ഥി പട്ടിക നേരത്തേ പുറത്തിറക്കി പ്രവര്‍ത്തനം തുടങ്ങിയിരിക്കുകയാണ് ഇടതുമുന്നണി.എന്‍ ഡി എയും 12 സ്ഥാനാര്‍ത്ഥികളെ പ്രഖ്യാപിച്ചു.ബാക്കി എട്ട് സ്ഥാനാര്‍ത്ഥികളെ ഉടന്‍ പ്രഖ്യാപിക്കും. കോണ്‍ഗ്രസ് ഇതുവരെ സ്ഥാനാര്‍ത്ഥി പട്ടിക പുറത്തിറക്കിയിട്ടില്ല.
പ്രതികരിക്കാൻ ഇവിടെ എഴുതുക: