ഗുവാഹത്തി: അസമിൽ 2026ലെ നിയമസഭാ തിരഞ്ഞെടുപ്പ് വരുമ്പോൾ ഏതാനും മുസ്ലീം എംഎൽഎമാർ മാത്രമേ കോൺഗ്രസിൽ അവശേഷിക്കൂവെന്ന് മുഖ്യമന്ത്രി ഹിമന്ത ബിശ്വ ശർമ. ബിശ്വനാഥ് ജില്ലയിലെ ഗോഹ്പൂരിൽ ഒരു പരിപാടിക്കിടെ മാധ്യമപ്രവർത്തകരോട് സംസാരിക്കുകയായിരുന്നു ശർമ്മ.
കോൺഗ്രസ് എംഎൽഎമാരായ റാക്കിബുൾ ഹുസൈൻ, റെക്കിബുദ്ദീൻ അഹമ്മദ്, ജാക്കിർ ഹുസൈൻ സിക്ദർ, നൂറുൽ ഹുദ എന്നിവരും മറ്റ് ചിലരും മാത്രമായിരിക്കും പാർട്ടിയിൽ തുടരുകയുള്ളുവെന്ന് ഹിമന്ത് പറഞ്ഞു. അടുത്തിടെ വർക്കിംഗ് പ്രസിഡൻ്റ് സ്ഥാനം രാജിവച്ച കോൺഗ്രസ് നേതാവ് റാണാ ഗോസ്വാമി ബിജെപിയിൽ ചേരുകയാണോ എന്ന ചോദ്യത്തിന് അതേക്കുറിച്ച് തനിക്ക് ഒരു വിവരവുമില്ലെന്ന് മുഖ്യമന്ത്രി പറഞ്ഞു.
“അദ്ദേഹം കോൺഗ്രസിന്റെ ശക്തനായ നേതാവാണ്, അദ്ദേഹം ബിജെപിയിൽ ചേരുകയാണെങ്കിൽ, ഞാൻ അതിനെ സ്വാഗതം ചെയ്യും”, – ഹിമന്ത കൂട്ടിച്ചേർത്തു.
