ന്യൂദല്ഹി: നിയമജ്ഞന് ഫാലി നരിമാന്റെ നിര്യാണത്തില് പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി. സാധാരണ പൗരന്മാര്ക്ക് നീതി ലഭ്യമാക്കുന്നതിനായി ജീവിതം ഉഴിഞ്ഞുവച്ച വ്യക്തിയാണ് ഫാലി എസ്. നരിമാനെന്ന് അദേഹം പറഞ്ഞു.
ഫാലി നരിമാന് ഏറ്റവും മികച്ച നിയമജ്ഞരില് ഒരാളായിരുന്നു. സാധാരണ പൗരന്മാര്ക്ക് നീതി ലഭ്യമാക്കുന്നതിനായി അദ്ദേഹം തന്റെ ജീവിതം ഉഴിഞ്ഞുവച്ചു. അദ്ദേഹത്തിന്റെ വിയോഗത്തില് ഞാന് വേദനിക്കുന്നു. എന്റെ ചിന്തകള് അദ്ദേഹത്തിന്റെ കുടുംബത്തിനും ആരാധകര്ക്കും ഒപ്പമുണ്ടെന്നും അദ്ദേഹത്തിന്റെ ആത്മാവിന് ശാന്തി നേരുന്നതായും പ്രധാനമന്ത്രി എക്സിലെ പോസ്റ്റില് കുറിച്ചു.
Shri Fali Nariman Ji was among the most outstanding legal minds and intellectuals. He devoted his life to making justice accessible to common citizens. I am pained by his passing away. My thoughts are with his family and admirers. May his soul rest in peace.
— Narendra Modi (@narendramodi) February 21, 2024
ഹൃദയാഘാതത്തെ തുടര്ന്ന് ഇന്നലെ രാത്രിയോടെയാണ് രാജ്യത്തെ പ്രമുഖ നിയമജ്ഞന് ഫാലി എസ് നരിമാന് അന്തരിച്ചത്. 95 വയസായിരുന്നു. ഇന്ത്യന് നീതിന്യായ രംഗത്ത് നിര്ണായക പങ്കുവഹിച്ചിരുന്ന വ്യക്തിത്വമാണ് അദ്ദേഹത്തിന്റേത്. പത്മഭൂഷണ്, പത്മവിഭൂഷണ് എന്നീ ബഹുമതികളിലൂടെ രാജ്യം അദ്ദേഹത്തെ ആദരിച്ചു.
1971 മുതല് സുപ്രീം കോടതിയില് മുതിര്ന്ന അഭിഭാഷകനായി സേവനം അനുഷ്ടിച്ചു. 1991 മുതല് ബാര് അസോസിയേഷന് ഓഫ് ഇന്ത്യയുടെ പ്രസിഡന്റുമാണ്. 19721975 കാലത്ത് ഇന്ത്യയുടെ അഡീഷനല് സോളിസിറ്റര് ജനറലായിരുന്നു.
