കൊച്ചി: സംസ്ഥാന ആം റെസ്ലിംഗ് ചാമ്പ്യന്‍ഷിപ്പ് 2024ല്‍ ചാമ്പ്യന്‍ ഓഫ് ചാമ്പ്യന്‍ ആയി തിളങ്ങി ശിവജിത്ത് ജനാര്‍ദനനും സ്റ്റീവ് തോമസും. യഥാക്രമം സീനിയര്‍ വിഭാഗത്തിലും യൂത്ത് വിഭാഗത്തിലുമാണ് ഇവരുടെ കിരീട നേട്ടം.
പ്രോ പഞ്ച ലീഗ് താരങ്ങളാണ് ഇരുവരും. കിരാക് ഹൈദരാബാദ് ഫ്രാഞ്ചൈസിയിലാണ് സ്റ്റീവ് കളിക്കുന്നത്, ശിവജിത്ത് ലുധിയാന ലയണ്‍സ് ടീമിന്റെ താരമാണ്. പ്രോ പഞ്ച ലീഗില്‍ മികച്ച പ്രകടനമാണ് സ്റ്റീവ് നടത്തിയത്. അതേസമയം റോഹ്തക് റൗഡീസിന്റെ ഇതിഹാസ താരം രാഹുല്‍ പണിക്കറെ ആവേശകരമായ പോരാട്ടത്തില്‍ തോല്‍പ്പിച്ചതോടെയാണ് ശിവജിത്ത് ശ്രദ്ധിക്കപ്പെട്ടത്. പ്രോ പഞ്ച ലീഗ് താരങ്ങളാണ് ഇരുവരും. കിരാക് ഹൈദരാബാദ് ഫ്രാഞ്ചൈസിയിലാണ് സ്റ്റീവ് കളിക്കുന്നത്, ശിവജിത്ത് ലുധിയാന ലയണ്‍സ് ടീമിന്റെ താരമാണ്. പാലാ സെന്റ് തോമസ് കോളജ് ഇന്‍ഡോര്‍ സ്റ്റേഡിയത്തില്‍ ജോജി ഏലൂരിന്റെ നേതൃത്വത്തിലാണ് ചാമ്പ്യന്‍ഷിപ്പ് നടന്നത്.
15 വിഭാഗങ്ങളിലായിരുന്നു മത്സരങ്ങള്‍. സീനിയര്‍ പുരുഷന്മാരില്‍ (വലംകൈ വിഭാഗം), 70 കിലോഗ്രാം ഭാര വിഭാഗത്തില്‍ ശിവജിത്ത് ജനാര്‍ദനന്‍ ചാമ്പ്യനായി. ദില്‍ഷാദ് എം.എ 110 കിലോഗ്രാം വിഭാഗത്തില്‍ രണ്ടാം സ്ഥാനത്തെത്തി. സീനിയര്‍ വനിതകളില്‍ (വലംകൈ വിഭാഗം) 70 കിലോഗ്രാം വിഭാഗത്തില്‍ ജിന്‍സിമോള്‍ സെബാസ്റ്റ്യന്‍ ഒന്നാമതെത്തിയപ്പോള്‍, 90 കിലോഗ്രാം വിഭാഗത്തില്‍ ശ്രീലേഖ കെ.എ രണ്ടാം സ്ഥാനത്തെത്തി.
യൂത്ത് ബോയ്സിന്റെ (വലംകൈ വിഭാഗം) 80 കിലോഗ്രാം വിഭാഗത്തില്‍ സ്റ്റീവ് തോമസ് വിജയിച്ചപ്പോള്‍, 90+ കിലോഗ്രാം വിഭാഗത്തില്‍ ഇന്‍ഫാന്‍ പി.ബി രണ്ടാം സ്ഥാനം നേടി. അതേസമയം, യൂത്ത് ഗേള്‍സില്‍ (വലംകൈ വിഭാഗം) 70+ കിലോ വിഭാഗത്തില്‍ അക്‌സ എമി സി ജോണ്‍ ഒന്നാമതെത്തിയപ്പോള്‍ 70 കിലോഗ്രാം വിഭാഗത്തില്‍ റംസിയ മോള്‍ എസ് രണ്ടാം സ്ഥാനത്തെത്തി. ജൂനിയര്‍ ആണ്‍കുട്ടികളില്‍ (വലംകൈ വിഭാഗം) 80 കിലോഗ്രാം വിഭാഗത്തില്‍ മുഹമ്മദ് ഷാഫി ഒന്നാമതും 90 കിലോഗ്രാം വിഭാഗത്തില്‍ ആദിത് പി.കെ രണ്ടാം സ്ഥാനവും നേടി. ജൂനിയര്‍ ഗേള്‍സില്‍ (വലംകൈ വിഭാഗം) 55 കിലോഗ്രാം വിഭാഗത്തില്‍ തേജ പി.ജെ ഒന്നാം സ്ഥാനം സ്വന്തമാക്കി. 70+ കിലോഗ്രാം വിഭാഗത്തില്‍ എം ഹഷ്‌നക്കാണ് രണ്ടാം സ്ഥാനം.
സീനിയര്‍ പുരുഷന്മാരുടെ വലംകൈ വിഭാഗത്തില്‍ 54 പോയിന്റുമായി എറണാകുളം ജില്ല ഒന്നാമതെത്തിയപ്പോള്‍ 32 പോയിന്റുമായി ഇടുക്കിയും 22 പോയിന്റുമായി വയനാടും യഥാക്രമം രണ്ടും മൂന്നും സ്ഥാനങ്ങളില്‍ എത്തി. അതേസമയം, സീനിയര്‍ വനിതകളുടെ വലംകൈ വിഭാഗത്തില്‍ തൃശൂര്‍, കോഴിക്കോട് ജില്ലകള്‍ 36 പോയിന്റുമായി ഒന്നാം സ്ഥാനം പങ്കിട്ടു. 22 പോയിന്റുമായി എറണാകുളവും, 18 പോയിന്റുമായി ഇടുക്കിയും യഥാക്രമം രണ്ടും മൂന്നും സ്ഥാനങ്ങള്‍ നേടി.
