കല്‍പ്പറ്റ: വയനാട്ടില്‍ കര്‍ഷകന്‍ അജീഷിനെ കൊലപ്പെടുത്തിയ കാട്ടാന ബേലൂര്‍ മഖ്‌ന കര്‍ണാടകയിലേക്ക് മടങ്ങി. ആന വീണ്ടും പുഴ മുറിച്ചു കടന്നതായാണ് അറിയുന്നത്. നേരത്തെ, പെരിക്കല്ലൂരിലെത്തിയ ബേലൂര്‍ മഖ്‌ന ബൈരക്കുപ്പ ഭാഗത്തേക്കാണ് പോയത്.
ആന വീണ്ടുമെത്തിയതോടെ മുള്ളന്‍കൊല്ലി പഞ്ചായത്തില്‍ ഉള്ളവര്‍ക്ക് വനംവകുപ്പ് ജാഗ്രതാ നിര്‍ദേശം നല്‍കിയിരുന്നു. ജനവാസ മേഖലയില്‍ ആനയുടെ സാന്നിധ്യം ഭീതി പരത്തിയിരുന്നു.
ബേലൂര്‍ മഖ്‌ന എന്ന മോഴ ആനയുടെ സാന്നിധ്യം കഴിഞ്ഞ രണ്ടുദിവസമായി കര്‍ണാടക കാടുകളിലായിരുന്നു. കേരള അതിര്‍ത്തിയിലേക്ക് വരുന്നുണ്ടെങ്കിലും, ആനയുടെ സ്ഥാനം കര്‍ണാടക വനത്തിലാണ്. ഇതുമൂലം മയക്കുവെടി ദൗത്യം നിലച്ചിരുന്നു.
അതേസമയം പുല്‍പ്പള്ളി മുള്ളന്‍കൊല്ലി മേഖലയില്‍ ഇറങ്ങുന്ന, കടുവയ്‌ക്കായി വനവകുപ്പ് തെരച്ചില്‍ പുരോഗമിക്കുകയാണ്.
