തൃശൂര്‍: ചാലക്കുടി മേലൂര്‍ ഫര്‍ണിച്ചര്‍ ഷോപ്പിന് തീപിടിച്ച് അപകടം. നെല്ലിക്കുളം വുഡ് ഇന്‍ഡസ്ട്രീസ് എന്ന സ്ഥാപനത്തിനാണ് തീപിടിച്ചത്. ഇന്ന് പുലര്‍ച്ചെ മൂന്ന് മണിയോടെയായിരുന്നു സംഭവം. മേലൂര്‍ നടുത്തുരുക്ക് സ്വദേശി ബെന്‍സി തോമസിന്റെ ഉടമസ്ഥതയിലുള്ള ഫര്‍ണിച്ചര്‍ ഷോപ്പിനാണ് തീപിടിച്ചത്.
ഫര്‍ണിച്ചര്‍ ഷോപ്പില്‍ നിന്നും വന്‍ തോതില്‍ പുക ഉയരുന്നത് ശ്രദ്ധയില്‍പ്പെട്ട സമീപവാസികളാണ് തീപിടിച്ച വിവരം ഉടമയെ അറിയിച്ചത്. പിന്നാലെ അഗ്നിശമന സേനയും പ്രദേശവാസികളും ചേര്‍ന്ന് തീ നിയന്ത്രണവിധേയമാക്കി.
കട പൂര്‍ണമായും കത്തിനശിച്ച നിലയിലാണ്. ഏകദേശം 15 ലക്ഷത്തില്‍ അധികം രൂപയുടെ നാശനഷ്ടം ഉണ്ടായതായാണ് വിലയിരുത്തല്‍. ഷോര്‍ട്ട് സര്‍ക്യൂട്ടാണ് തീപിടിക്കാന്‍ കാരണമെന്നാണ് പ്രാഥമിക നിഗമനം.
പ്രതികരിക്കാൻ ഇവിടെ എഴുതുക: