മുംബൈ: മരണത്തെ മുഖാമുഖം കണ്ട അനുഭവം പങ്കുവെച്ച് നട രശ്മിക മന്ദാന. മുംബൈ ഛത്രപതി ശിവാജി മഹാരാഷ്‌ട്ര അന്താരാഷ്‌ട്ര വിമാനത്താളത്തില്‍ നിന്ന് എയര്‍ വിസ്താരയിലാണ് രശ്മിക പറന്നുയര്‍ന്നത്. എന്നാല്‍ 30 മിനിറ്റുകള്‍ക്കുശേഷം പ്രശ്‌നങ്ങള്‍ കണ്ടെത്തിയതിനെ തുടര്‍ന്ന് വിമാനം തിരിച്ചിറക്കിയത്. നടി ശ്രദ്ധ ദാസും രശ്മികയ്‌ക്കൊപ്പം വിമാനത്തിലുണ്ടായിരുന്നു. യാത്രക്കാര്‍ക്ക് അപകടമൊന്നും സംഭവിച്ചില്ലെങ്കിലും എല്ലാവരും പരിഭ്രാന്തിയിലായി.
സംഭവത്തെക്കുറിച്ച് രശ്മിക ഇന്‍സ്റ്റാഗ്രാമിലൂടെ പ്രതികരിച്ചു. വിമാനത്തില്‍ നിന്നുള്ള ചിത്രമാണ് രശ്മിക പങ്കുവച്ചത്. ശ്രദ്ധയ്‌ക്കൊപ്പമുള്ളതായിരുന്നു ഒരു ചിത്രം. കൂടാതെ മുന്നില്‍ സീറ്റില്‍ ചവിട്ടി നില്‍ക്കുന്ന ചിത്രവും താരം പോസ്റ്റ് ചെയ്തു. ‘ഇങ്ങനെയാണ് ഞങ്ങള്‍ ഇന്ന് മരണത്തില്‍നിന്ന് രക്ഷപ്പെട്ടത്’ എന്ന അടിക്കുറിപ്പിലായിരുന്നു ചിത്രങ്ങള്‍.
ഫെബ്രുവരി 17നായിരുന്നു സംഭവം നടന്നത്. തിരിച്ചറിക്കിയ യാത്രക്കാരെ മറ്റൊരു വിമാനം ഏര്‍പ്പെടുത്തി അവരെ ലക്ഷ്യ സ്ഥലത്ത് എത്തിച്ചു.
രണ്‍ബീര്‍ കപൂറിന്റെ അനിമലാണ് ഏറ്റവും ഒടുവില്‍ പുറത്തിറങ്ങിയ രശ്മികയുടെ ചിത്രം. സന്ദീപ് റെഡ്ഡി വങ്ക സംവിധാനം ചെയ്ത് ചിത്രം വന്‍ വിജയം നേടിയിരുന്നു. അല്ലു അര്‍ജുന്‍ നായകനായെത്തുന്ന പുഷ്പ 2 ന്റെ തിരക്കിലാണ് നടിയിപ്പോള്‍. പുഷ്പയുടെ ആദ്യ ഭാഗം വന്‍ വിജ!യമായിരുന്നു. 2024 ആഗസ്റ്റ് 15 നാണ് ചിത്രം തിയറ്ററുകളിലെത്തുന്നത്.
പ്രതികരിക്കാൻ ഇവിടെ എഴുതുക: