വിസിയ നഗരം:രഞ്ജി ട്രോഫിയില് മികച്ച ബൗളിംഗ് പ്രകടനവുമായി കേരളം. ആദ്യ ദിവസം ആന്ധ്രാപ്രദേശിന്റെ 7 വിക്കറ്റുകള് വീഴ്ത്തി.
ആദ്യ ദിവസം കളി അവസാനിക്കുമ്പോള് ആന്ധ്രാപ്രദേശ് ഏഴ് വിക്കറ്റ് നഷ്ടത്തില് 260 റണ്സെന്ന നിലയിലാണ്. 79 റണ്സുമായി റിക്കി ബുയി ആണ് ക്രീസില് ഉള്ളത്. 81 റണ്സ് എടുത്ത മഹീപ് കുമാറും ആന്ധ്രാപ്രദേശിനായി മികച്ച പ്രകടനം കാഴ്ച വച്ചു.
കേരളത്തിനായി ബേസില് തമ്പിയും വൈശാഖ് ചന്ദ്രനും രണ്ട് വിക്കറ്റുകള് വീതം വീഴ്ത്തി. അരങ്ങേറ്റ മത്സരം കളിക്കുന്ന അഖില് സ്കറിയ, ജലജ് സക്സേന, അക്ഷയ് ചന്ദ്രന് എന്നിവര് ഒരോ വിക്കറ്റ് വീതം വീഴ്ത്തി. സഞ്ജു സാംസണ് കളിക്കുന്നില്ല.
