അങ്കമാലി: മധ്യ കേരളത്തിന്റെ മനസുകീഴടക്കി എന്ഡിഎ സംസ്ഥാന ചെയര്മാന് കെ. സുരേന്ദ്രന് നയിക്കുന്ന കേരള പദയാത്ര ചാലക്കുടി ലോക്സഭാ മണ്ഡലത്തില് പര്യടനം നടത്തി. തൃശ്ശൂര്, എറണാകുളം ജില്ലകളിലായി വ്യാപിച്ച മണ്ഡലത്തിലെ പര്യടനം വോട്ടര്മാര്ക്ക് ആശയും ആവേശവും പകര്ന്നു. ചാലക്കുടി മണ്ഡലം കാലങ്ങളായി കൈവശംവച്ചിരിക്കുന്നവര്ക്ക് കടുത്ത വെല്ലുവിളിയുയര്ത്തുന്ന ജനപിന്തുണയാണ് ദേശീയ ജനാധിപത്യ സഖ്യത്തിന്റെ സംസ്ഥാന അമരക്കാരന് കെ. സുരേന്ദ്രനു ലഭിച്ചത്.
ഇന്നലെ രാവിലെ കൊടുങ്ങല്ലൂര് ദേവീ ക്ഷേത്ര ദര്ശനത്തോടെ പര്യടനം തുടങ്ങി. ഉച്ചയ്ക്ക് ഒരു മണിയോടെ അങ്കമാലിയിലെത്തിയ സുരേന്ദ്രന് സെന്റ് ജോര്ജ് ബസിലിക്കയില് അന്ത്യവിശ്രമം കൊള്ളുന്ന വിമോചന സമര രക്തസാക്ഷികളുടെ കല്ലറയില് പൂച്ചെണ്ടു സമര്പ്പിച്ചു. വികാരി ഫാ. ജിമ്മി പൂച്ചക്കാട്ടില് അദ്ദേഹത്തെ സസ്നേഹം സ്വീകരിച്ചു.
അങ്കമാലി കിങ്ങിണി മൈതാനത്ത് വൈകിട്ട് അേഞ്ചാടെ ആരംഭിച്ച പൊതുസമ്മേളനത്തില് ബിജെപി ദേശീയ ഉപാധ്യക്ഷന് എ.പി. അബ്ദുള്ളക്കുട്ടി യാത്ര ഉദ്ഘാടനം ചെയ്തു. ആയിരങ്ങള് അണിനിരന്ന യാത്ര, ദേശീയ പാതയിലൂടെ ആറു കിലോമീറ്റര് സഞ്ചരിച്ച് അത്താണിയില് ലെത്തി. തുടര്ന്ന് ആവേശകരമായ പൊതുസമ്മേളനം. യാത്ര കടന്നുപോയ വഴിയുടെ ഇരുവശവും ജനകീയ നേതാവിനെ കാണാന് ആയിരങ്ങളാണ് അണിനിരന്നത്.
