തൃശൂര്: ഏത്തായിയില് കേരള ഗവര്ണര് ആരിഫ് മുഹമ്മദ് ഖാനുനേരെ കരിങ്കൊടി കാണിച്ച പതിനഞ്ച് എസ്എഫ്ഐ പ്രവര്ത്തകരെ പോലീസ് അറസ്റ്റ് ചെയ്തു. ഏങ്ങണ്ടിയൂര് സരസ്വതി വിദ്യാനികേതന് സെന്ട്രല് സ്കൂളില് വേലായുധന് പണിക്കശേരിയുടെ നവതി ആഘോഷത്തിന് എത്തിയപ്പോഴായിരുന്നു ഗവര്ണര്ക്കു നേരെ എസ്എഫ്ഐ പ്രതിഷേധിച്ചത്.
പ്രതിഷേധക്കാരെ പോലീസ് നീക്കം ചെയ്യുന്നതിനിടെ നാട്ടുകാരില് ചിലരും എസ്എഫ്ഐ പ്രവര്ത്തകരെ കൈയ്യേറ്റം ചെയ്തു. ഇന്നലെയും ഗവര്ണര്ക്കെതിരെ തൃശൂരില് വിവിധ ഇടങ്ങളില് എസ്എഫ്ഐ പ്രവര്ത്തകര് കരിങ്കൊടി കാണിച്ചിരുന്നു. ആകെ 57 പേരെയാണ് കഴിഞ്ഞ ദിവസം പോലീസ് കസ്റ്റഡിയിലെടുത്തത്.
