തൊടുപുഴ: എന്‍ഡിഎ സംസ്ഥാന ചെയര്‍മാന്‍ കെ. സുരേന്ദ്രന്‍ നയിക്കുന്ന കേരള പദയാത്രയ്ക്ക് ഇടുക്കി ലോക്‌സഭാ മണ്ഡലത്തില്‍ ആവേശോജ്വല വരവേല്‍പ്പ്. രാവിലെ കോതമംഗലത്ത് നിന്നാരംഭിച്ച പര്യടനം 11 മണിയോടെ തൊടുപുഴയിലെത്തി. വൈകിട്ട് 4.30ന് മങ്ങാട്ടുകവല ബസ് സ്റ്റാന്‍ഡില്‍ ചേര്‍ന്ന പൊതുസമ്മേളനത്തില്‍ ആയിരങ്ങള്‍ പങ്കെടുത്തു. മുന്‍ കേന്ദ്രമന്ത്രി പൊന്‍ രാധാകൃഷ്ണന്‍ യോഗം ഉദ്ഘാടനം ചെയ്തു.
യോഗത്തില്‍ വച്ച് ബിജെപിയില്‍ ചേര്‍ന്ന മുന്നൂറു പേരുടെ പ്രതിനിധികളെ വേദിയിലേക്ക് ക്ഷണിച്ച് കെ. സുരേന്ദ്രന്‍ ഷാള്‍ അണിയിച്ചു. ബിജെപി എറണാകുളം മധ്യ മേഖല പ്രസിഡന്റ് എന്‍. ഹരി അധ്യക്ഷനായി. ഇടുക്കി ജില്ലാ പ്രസിഡന്റ് കെ.എസ്. അജി, പ്രസിഡന്റ് ഇന്‍ചാര്‍ജ് സി. സന്തോഷ് കുമാര്‍ എന്നിവര്‍ സംസാരിച്ചു.
തുടര്‍ന്ന് മങ്ങാട്ടുകവലയില്‍ നിന്ന് മാര്‍ക്കറ്റ് റോഡ് വഴി ടൗണിലെത്തി മൂവാറ്റുപുഴ റോഡ് വഴി മടക്കത്താനം വരെയാണ് പദയാത്ര നടത്തിയത്. സമാപന സമ്മേളനം രാത്രി 8.30യോടെ മടക്കത്താനത്ത് ചേര്‍ന്നു.
പ്രതികരിക്കാൻ ഇവിടെ എഴുതുക: