ജൽ ജീവൻ മിഷൻ തൊഴിലാളികളെ നക്സലൈറ്റുകൾ തട്ടിക്കൊണ്ടുപോയി : അന്വേഷണം ഊർജിതമാക്കി പോലീസ്

റായ്പുർ : ഛത്തീസ്ഗഡിലെ സുക്മ ജില്ലയിൽ ജൽ ജീവൻ മിഷൻ പ്രവർത്തനങ്ങളിൽ ഏർപ്പെട്ടിരുന്ന നാല് തൊഴിലാളികളെ നക്‌സലൈറ്റുകൾ തട്ടിക്കൊണ്ടുപോയി. പോലീസാണ് ഇക്കാര്യം തിങ്കളാഴ്ച അറിയിച്ചത്.

സുക്മ ടൗണിൽ നിന്ന് 40 കിലോമീറ്റർ അകലെയുള്ള വനത്തിനുള്ളിൽ സ്ഥിതി ചെയ്യുന്ന ജഗർഗുണ്ട പോലീസ് സ്റ്റേഷൻ പരിധിയിൽ ഞായറാഴ്ചയാണ് സംഭവം നടന്നതെന്ന് ഉദ്യോഗസ്ഥർ പറഞ്ഞു. പ്രാഥമിക വിവരമനുസരിച്ച്, ജൽ ജീവൻ മിഷൻ പൈപ്പ് ലൈൻ സ്ഥാപിക്കുന്ന ജോലികൾ നടക്കുന്ന സ്ഥലത്ത് ഒരു കൂട്ടം നക്സലുകൾ എത്തി നാല് തൊഴിലാളികളെ തട്ടിക്കൊണ്ടുപോയതായി അവർ പറഞ്ഞു.

തൊഴിലാളികളുടെ ബന്ധുക്കൾ ഇതുവരെ പോലീസിൽ പരാതി നൽകിയിട്ടില്ലെങ്കിലും തട്ടിക്കൊണ്ടുപോയ തൊഴിലാളികളെ മോചിപ്പിക്കാൻ വിവിധ മാർഗങ്ങളിലൂടെ ശ്രമങ്ങൾ നടക്കുന്നുണ്ടെന്നും അവർ കൂട്ടിച്ചേർത്തു.

രണ്ട് തൊഴിലാളികൾ സുക്മ ടൗണിൽ നിന്നുള്ളവരും രണ്ട് പേർ സമീപ ഗ്രാമങ്ങളിൽ നിന്നുള്ളവരുമാണെന്ന് അധികൃതർ പറഞ്ഞു. അതേ സമയം തങ്ങളുടെ പ്രിയപ്പെട്ടവരെ ഉടൻ വിട്ടയക്കണമെന്ന് കുടുംബാംഗങ്ങൾ നക്സലൈറ്റുകളോട് ആവശ്യപ്പെട്ടു.