തിരുവനന്തപുരം: ലോക്സഭാ തെരഞ്ഞെടുപ്പില്‍ സംസ്ഥാനത്ത് ഇടതുമുന്നണിയില്‍ 15 സീറ്റില്‍ സി.പി.എമ്മും നാല് സീറ്റില്‍ സി.പി.ഐയും ഒരു സീറ്റില്‍ കേരള കോണ്‍ഗ്രസ് എമ്മും മത്സരിക്കും.
കേരള കോണ്‍ഗ്രസ് എം രണ്ടാമതൊരു സീറ്റും ആര്‍.ജെ.ഡി ഒരു ലോക്സഭാ സീറ്റും ചോദിച്ചെങ്കിലും സിപിഎം അംഗീകരിച്ചില്ല
കഴിഞ്ഞ ലോക്സഭാ തെരഞ്ഞെടുപ്പ് വരെ സിപിഎം 16 സീറ്റിലും നാല് സീറ്റില്‍ സി.പി.ഐയും ആണ് മത്സരിച്ചത്. കേരള കോണ്‍ഗ്രസ് എം ഇടതുമുന്നണിയിലെത്തിയതോടെയാണ് അവര്‍ മത്സരിച്ചു വന്നിരുന്ന കോട്ടയം സീറ്റ് നല്‍കിയത്. ഇടത് മുന്നണി യോഗത്തിലാണ് തീരുമാനം.
കൂടുതല്‍ സീറ്റുകള്‍ വേണമെന്ന ആവശ്യം മറ്റ് കക്ഷികള്‍ ഉയര്‍ത്തിയപ്പോള്‍ സോഷ്യലിസറ്റുകള്‍ സഹകരിക്കണമെന്ന ആവശ്യമാണ് മുഖ്യമന്ത്രി മുന്നോട്ട് വച്ചത്.
പ്രതികരിക്കാൻ ഇവിടെ എഴുതുക: