ആളുകൾ എനിക്കു നേരെ എറിഞ്ഞ കല്ലുകൾ കൊണ്ടാണ് ഞാൻ എന്റെ കോട്ട നിർമ്മിച്ചത്

തന്റെ ജീവിതത്തിലെയും കരിയറിലെയും ഉയർച്ച താഴ്ചകളെക്കുറിച്ചും താരം മനസ്സു തുറന്നു. “നിങ്ങൾ ജീവിതത്തിൽ പുളിപ്പ് ആസ്വദിക്കാത്തിടത്തോളം, നിങ്ങൾക്ക് യഥാർത്ഥ സന്തോഷം മനസ്സിലാകില്ല. റോഡുകൾ തടസ്സങ്ങളില്ലാത്തതാണെങ്കിൽ അതൊരു യാത്രയാകില്ല. ഒരു പഴഞ്ചൊല്ലുണ്ട്, എനിക്ക് നേരെ എറിയപ്പെട്ട കല്ലുകൾ കൊണ്ട് ഞാൻ എന്റെ കോട്ട കെട്ടിപ്പടുത്തു എന്ന്. അതിനാൽ, ജീവിതത്തിൽ ബുദ്ധിമുട്ടുകൾ ഉണ്ടാകണം, ഉയർച്ച താഴ്ചകൾ ഉണ്ടാകണം. എങ്കിൽ മാത്രമേ നിങ്ങൾക്ക് ഒരു ജീവിതം നയിക്കാനും ആസ്വദിക്കാനും കഴിയൂ. എനിക്ക് മുന്നിലുള്ള റോഡ് ലളിതവും സുഗമവുമാണെങ്കിൽ അത് അത്ര രസകരമാകില്ല

അനുപം ഖേറിന്റെ പുതിയ ചിത്രം ‘കുച്ച് ഖട്ടാ ഹോ ജേ’യുടെ ട്രെയിലർ ലോഞ്ച് ആയിരുന്നു കഴിഞ്ഞ ദിവസം. ചിത്രത്തിലെ പ്രധാന അഭിനേതാക്കളായ ഗുരു രൺധാവ, സായി മഞ്ജരേക്കർ, പരേഷ് റാവൽ എന്നിവരും ട്രെയിലർ ലോഞ്ചിൽ പങ്കെടുത്തിരുന്നു. പരിപാടിയ്‌ക്കിടയിൽ അഭിനേതാവെന്ന നിലയിലുള്ള തന്റെ 40 വർഷത്തെ യാത്രയെക്കുറിച്ച് അനുപം ഖേർ വാചാലനായി. “ആളുകൾ എറിഞ്ഞ കല്ലുകൾ കൊണ്ടാണ് ഞാൻ എന്റെ കോട്ട നിർമ്മിച്ചത്,” എന്നായിരുന്നു താരം തന്റെ സിനിമായാത്രയെ കുറിച്ചു പറഞ്ഞത്. അനുപം ഖേർ അഭിനയിക്കുന്ന 540-ാമത്തെ ചിത്രമാണ് ‘കുച്ച് ഖട്ടാ ഹോ ജേ’.

“ഞാൻ പ്രശ്‌നങ്ങളെ സ്വാഗതം ചെയ്യുന്നു, പരാജയങ്ങളുടെയും മോശം അനുഭവങ്ങളുടെയും ആകെത്തുകയാണ് ഞാൻ. പക്ഷേ ഞാനവ ഓർക്കുന്നില്ല. ജീവിതത്തിൽ ഒരുപാട് പ്രതീക്ഷിക്കാനുണ്ട്. ഞാൻ വളരെ ഭാഗ്യവാനാണ്, 1981ൽ പോക്കറ്റിൽ  37 രൂപയുമായി ഈ നഗരത്തിലേക്ക് വന്ന ഞാൻ ഇന്ന് എന്റെ 540-ാമത്തെ സിനിമയെക്കുറിച്ചാണ് സംസാരിക്കുന്നത്, ഇതിൽ കൂടുതൽ എനിക്ക് ദൈവത്തോട് എന്താണ് ചോദിക്കാനുള്ളത്? അതുകൊണ്ട് ഞാൻ വളരെ സന്തോഷവാനാണ്,

മൂന്ന് വർഷമായി യുഎസിൽ നെറ്റ്ഫ്ലിക്സിന്റെ ന്യൂ ആംസ്റ്റർഡാമിന്റെ ചിത്രീകരണത്തിന് ശേഷം താൻ ഒപ്പിട്ട ആദ്യ ചിത്രമാണ് കുച്ച് ഖട്ടാ ഹോ ജയെന്നും അതുകൊണ്ടാണ് താനൊരു പുതുമുഖമാണെന്ന് തോന്നിയതെന്നും അനുപം പങ്കുവെച്ചു.

My 1st film #Saaransh was released on the 25th Of May, 1984. It has been 35 years since then. I was 28 & I played a 65yr old #BVPradhan. It seems like a long journey. But to me it is just the beginning. Thank you. Keep blessing me. I’ve a long way to go.🙏😍 #35YearsOfAnupamKher pic.twitter.com/Zrj5kkaR3v

— Anupam Kher (@AnupamPKher) May 24, 2019

“മൂന്ന് വർഷം യുഎസിൽ ജോലി ചെയ്തതിന് ശേഷം ഞാൻ ഒപ്പിടുന്ന ആദ്യ ചിത്രമാണിത്. നെറ്റ്ഫ്ലിക്സിന്റെ ന്യൂ ആംസ്റ്റർഡാമിനായി ജോലി ചെയ്യുകയായിരുന്നു ഞാൻ,” അനുപം ഖേർ പറയുന്നു.