തിരുവനന്തപുരം: കേരളത്തിലെ യുവാക്കളില് 30 ശതമാനത്തിനടത്ത് തൊഴിലില്ലാത്തവരാണെന്ന് സാമ്പത്തിക അവലോകന റിപ്പോര്ട്ട്. കേരളത്തിലെ ഗ്രാമീണ പ്രദേശങ്ങളിലെ യുവജനങ്ങള്ക്കിടയിലെ തൊഴിലില്ലായ്മ നിരക്ക് 29.4 ശതമാനവും നഗരപ്രദേശങ്ങളിലേത് 27.9 ശതമാനവുമാണേന്ന് ധനമന്ത്രി കെ എന് ബാലഗോപാല് നിയമസഭയില് വെച്ച് റിപ്പോര്ട്ട് വ്യക്തമാക്കുന്നു.
അഖിലേന്ത്യാ തലത്തില്ഈ നിരക്ക് യഥാക്രമം 8 ശതമാനവും 15 .7 ശതമാനവും ആണ്. യുവജനങ്ങള്ക്കിടയില് സ്ത്രീ തൊഴിലില്ലായ്മയാണ് പുരുഷ തൊഴിലില്ലായ്മയേക്കാള് കൂടുതല്. ഗ്രാമപ്രദേശങ്ങളിലെ സ്ത്രീകളുടെ തൊഴിലില്ലായ്മനിരക്ക് 44.7 ശതമാനവും, നഗരപ്രദേശങ്ങളില് 42.8ശതമാനവും, പുരുഷന്മാരുടെ തൊഴിലില്ലായ്മ യഥാക്രമം 21.7 ശതമാനവും, 19.3 ശതമാനവുമാണ്.
ആകെയുള്ളവരുടെ തൊഴിലില്ലായ്മയുടെ കണക്കില് ദേശീയശരാശരിയേക്കാള് കേരളം ഏറെ മുന്നിലാണെന്നും അവലോകന റിപ്പോര്ട്ട് വ്യക്തമാക്കുന്നു. ഭാരതത്തിലെ തൊഴിലില്ലായ്മ നിരക്ക്2022-23ല് 3.2 ശതമാനമാണ്.അതേസമയം 2022-23ല്കേരളത്തിലെ തൊഴിലില്ലായ്മ നിരക്ക് 7.0 ശതമാനമാണ്. സംസ്ഥാനമെന്ന നിലയില് ഗോവ(9.7)മാത്രമാണ് തെഴിലില്ലായ്മകാര്യത്തില് കേരളത്തിനു മുന്നിലുള്ളത്.
കേന്ദ്രഭരണപ്രദേശമായ ലക്ഷദ്വീപിലും ആന്റമാനിലും കേരളത്തേക്കാള് തൊഴിലില്ലായ്മ ഉണ്ട്. ഗുജറാത്ത്, മധ്യപ്രദേശ്, ആസാം, ത്രിപുര. ദല്ഹി, ജാര്്ഖണ്ഡ് എന്നീ സംസ്ഥാനങ്ങളില് ഒരു ശതമാനത്തില് താഴെയാണ് തൊഴിലില്ലായ്മ.
കേരളത്തിലെ സംഘടിത മേഖലയില്, തൊഴിലവസരങ്ങള് നിശ്ചലമായി നില്ക്കുന്നതായി സംസ്ഥാന ആസൂത്രണ ബോര്ഡ് തയ്യാറാക്കിയ സാമ്പത്തിക അവലോകന റിപ്പോര്ട്ടില് പറയുന്നു. 2013ല് കേരളത്തിലെസംഘടിത മേഖലയില്, തൊഴിലവസരങ്ങള് 10.9 ലക്ഷമായിരുന്നത് 2023 (മാര്ച്ച് 31, 2023 വരെ) ആയപ്പോഴേക്കും നാമമാത്രമായി വര്ദ്ധിച്ച് 12.6ലക്ഷമായി. മുന്വര്ഷങ്ങളെ അപേക്ഷിച്ച് 2016 മുതല് പൊതുമേഖലയില് തൊഴിലവസരത്തില് നിശ്ചലാവസ്ഥയാണ് കാണിക്കുന്നത്.
സ്വകാര്യമേഖലയും, പൊതുമേഖലയും ഉള്ക്കൊള്ളുന്നതാണ് കേരളത്തിലെ സംഘടിത മേഖല. 2020 വരെ സ്വകാര്യ മേഖലയിലെ തൊഴിലവസരങ്ങള് സാവധാനത്തില് ഉയര്ന്നിരുന്നു, എന്നാല് 2021ലും 2022 ലും ചെറിയ കുറവ് രേഖപ്പെടുത്തി.
2023ല് സംഘടിത മേഖലയില് ജോലി ചെയ്യുന്ന2.6 ലക്ഷം പേരില് 5.6 ലക്ഷം (44.5 ശതമാനം)പൊതുമേഖലയിലും 7.0 ലക്ഷം (55.5 ശതമാനം) സ്വകാര്യമേഖലയിലുമാണ്.
പൊതുമേഖലയില് തൊഴിലെടുക്കുന്നവരില് 46.6 ശതമാനം സംസ്ഥാന സര്ക്കാര് ജീവനക്കാരും,0.8 ശതമാനം കേന്ദ്ര സര്ക്കാര് ജീവനക്കാരും, 23.6ശതമാനം സംസ്ഥാന അര്ദ്ധ സര്ക്കാര് ജീവനക്കാരും,4.5 ശതമാനം തദ്ദേശ സ്വയം ഭരണ സ്ഥാപനങ്ങളിലെജീവനക്കാരും, 14.5 ശതമാനം കേന്ദ്ര അര്ദ്ധ സര്ക്കാര്ജീവനക്കാരുമാണ്. റിപ്പോര്ട്ട് പറയുന്നു.
