ദോഹ: തോല്വി മുന്നില് കണ്ട ദക്ഷിണ കൊറിയയ്ക്ക് ഇഞ്ചുറി ടൈമിലെ ഓണ്ഗോളില് ആശ്വാസം. ജോര്ദാനെതിരെ റെഗുലര് ടൈം അവസാനിക്കുമ്പോള് കരുത്തരായ കൊറിയ ഒന്നിനെതിരെ രണ്ട് ഗോളുകള്ക്ക് പിന്നിലായിരുന്നു. 90+1ാം മിനിറ്റില് ലഭിച്ച ഓണ്ഗോളില് സമനില സ്വന്തമാക്കുകയായിരുന്നു.
യസാന് അല് അറബ് ആണ് സമനില ഗോള് വഴങ്ങിയത്. കളിയുടെ ഒമ്പതാം മിനിറ്റില് തന്നെ കൊറിയ ലീഡ് നേടി. പെനല്റ്റി കിക്ക് വലയിലെത്തിച്ച് സന് ഹ്യുവെങ്-മിന് ആണ് ടീമിന് ആഹ്ലാദം സമ്മാനിച്ചത്. 37-ാം മിനിറ്റില് ദാനഗോളിലൂടെ കൊറിയ ജോര്ദാന് സമനില വഴങ്ങി. ആദ്യ പകുതി തീരും മുമ്പേ പിന്നിലേക്ക് പോകുകയും ചെയ്തു. 45+6-ാം മിനിറ്റില് യസാന് അല് നൈമത്ത് നേടിയ ഗോളിലാണ് കൊറിയ മുന്നിലെത്തിയത്. ആദ്യ മത്സരത്തില് വിജയിച്ച ഇരുടീമുകളും രണ്ടാം മത്സരത്തില് സമനില പാലിച്ചതോടെ ഇരുടീമുകളുടെയും മൂന്നാം മത്സരം കടുത്തതാകും.
