ആലപ്പുഴ: ബൈക്കും കാറും കൂട്ടിയിടിച്ചുണ്ടായ അപകടത്തിൽ വിദ്യാർത്ഥിക്ക് ദാരുണാന്ത്യം. മാവേലിക്കര കുറത്തികാട് ഹൈസ്കൂൾ ജംഗ്ഷനിലായിരുന്നു സംഭവം. ചെറുകുന്നം നെടുവേലിൽ തെക്കതിൽ സന്തോഷ്-കവിത ദമ്പതികളുടെ മകൻ അതുൽ സന്തോഷ് ആണ് മരിച്ചത്. 20 വയസായിരുന്നു.
ബൈക്കിൽ ഒപ്പമുണ്ടായിരുന്ന കുറത്തികാട് സ്വദേശി ആരോമൽ തലയ്ക്ക് ഗുരുതരമായി പരിക്കേറ്റ് സ്വകാര്യ ആശുപത്രിയിൽ ചികിത്സയിലാണ്. ബൈക്കിൽ സഞ്ചരിക്കവെ കാറുമായി കൂട്ടിയിടിച്ചായിരുന്നു അപകടം.
