യാമോസൂക്കുറോ(ഐവറികോസ്റ്റ്): ആഫ്രിക്കന്‍ കപ്പ് ഓഫ് നേഷന്‍ ഫുട്‌ബോളില്‍ സെനഗല്‍ തകര്‍പ്പന്‍ വിജയത്തോടെ തുടങ്ങി. ഗ്രൂപ്പ് സിയില്‍ ഇന്നലെ നടന്ന പോരാട്ടത്തില്‍ ഗാംബിയയെ എതിരില്ലാത്ത മൂന്ന് ഗോളുകള്‍ക്ക് സെനഗല്‍ തോല്‍പ്പിച്ചു.
പെയ്പ് ഗ്യുയെ നാലാം മിനിറ്റില്‍ നേടിയ ഗോളില്‍ തുടങ്ങിയ സെനഗല്‍ രണ്ടാം പകുതിയില്‍ ലാമിന്‍ കമാര നേടിയ ഇരട്ടഗോളോടെ മത്സരം വരുതിയിലാക്കുകായയിരുന്നു. രണ്ടാം പകുതിയില്‍ മത്സരത്തിന് 52-ാം മിനിറ്റെത്തിയപ്പോഴായിരുന്നു രണ്ടാം ഗോള്‍. 86 മിനിറ്റായപ്പോള്‍ മൂന്നാം ഗോളും നേടി.
മറ്റൊരു മത്സരത്തില്‍ യൂറോപ്യന്‍ ക്ലബ്ബ് ലിവര്‍പൂളിന്റെ സൂപ്പര്‍ താരം മുഹമ്മദ് സലാ നേടി ഗോളില്‍ ഈജിപ്ത് സമനിലയോടെ രക്ഷപ്പെട്ടു. ഇന്‍ജുറി ടൈമില്‍ ഈജിപ്ത് മൊസാംബിക്യുവിനോട് 2-1ന് പിന്നിലായിരുന്നു. 90+7ാം മിനിറ്റില്‍ നേടിയ പെനല്‍റ്റി ഗോളില്‍ സമനിലയ പിടിക്കുകയായിരുന്നു. സലാ ആണ് പെനല്‍റ്റി കിക്കെടുത്തത്.
കളിയില്‍ രണ്ടാം മനിറ്റില്‍ നേടിയ ഗോളില്‍ ഈജിപ്ത് ആദ്യപകുതിയില്‍ ആധിപത്യം പുലര്‍ത്തി. രണ്ടാം പകുതിയില്‍ മൊസാംബിക്യു മൂന്ന് മിനിറ്റിനിടെ രണ്ട് ഗോളുകള്‍ നേടി മുന്നിലെത്തുകയായിരുന്നു.
പ്രതികരിക്കാൻ ഇവിടെ എഴുതുക: