ഹൈദരാബാദ്: മാലദ്വീപിലേക്കുള്ള തന്റെ അവധിക്കാല യാത്ര റദ്ദാക്കിയെന്ന് തെലുങ്ക് സൂപ്പര്‍ താരം നാഗാര്‍ജുന. പകരം ലക്ഷദ്വീപിലേയ്‌ക്ക് പോകുമെന്നും അദ്ദേഹം പറഞ്ഞു. സംഗീതസംവിധായകന്‍ എം.എം. കീരവാണിയുമായുള്ള അഭിമുഖസംഭാഷണത്തിലാണ് ഈ പ്രതികരണം. ഈ മാസം 17ന് മാലദ്വീപിലേക്ക് അവധിക്കാലം ആഘോഷിക്കാന്‍ പോകാന്‍ ഇരുന്നതാണ്. ബിഗ് ബോസിലും നാ സാമി രംഗ എന്ന സിനിമയിലുമായി 75 ദിവസം ഇടവേളയില്ലാതെ ജോലി ചെയ്തു. പക്ഷേ ടിക്കറ്റ് റദ്ദാക്കി. അടുത്തയാഴ്ച ലക്ഷദ്വീപിലേയ്‌ക്ക് പോകാനാണ് തീരുമാനം.
മാലദ്വീപിലെ ചിലര്‍ നടത്തിയ പ്രസ്താവനകള്‍ ഒട്ടും ആരോഗ്യകരമായിരുന്നില്ല, നരേന്ദ്ര മോദി നമ്മുടെ പ്രധാനമന്ത്രിയാണ്. 150 കോടി ജനങ്ങളെ അദ്ദേഹം നയിക്കുന്നു. 150 കോടി ജനങ്ങളുടെ നേതാവാണ് അദ്ദേഹം, നാഗാര്‍ജുന പറഞ്ഞു.
പ്രധാനമന്ത്രി നരേന്ദ്ര മോദിക്കെതിരേയുള്ള മാലദ്വീപ് മന്ത്രിമാരുടെ അധിക്ഷേപ പരാമര്‍ശത്തെത്തുടര്‍ന്ന് പ്രമുഖരുള്‍പ്പെടെ നിരവധിയാളുകള്‍ അവിടേയ്‌ക്കുള്ള യാത്രകള്‍ റദ്ദാക്കിയിരുന്നു. മാലദ്വീപിന് പകരം ലക്ഷദ്വീപിലേക്ക് യാത്രകള്‍ നടത്തണമെന്ന ആഹ്വാനം സോഷ്യല്‍ മീഡിയയില്‍ നിറയുകയാണ്.
പ്രതികരിക്കാൻ ഇവിടെ എഴുതുക: