തിരുവനന്തപുരം: റേഷന് സാധനങ്ങള് എത്തിക്കുന്ന ട്രാന്സ്പോര്ട്ടേഷന് കരാറുകാരുടെ കുടിശിക ബുധനാഴ്ചയോടെ വിതരണം ചെയ്യുമെന്ന് ഭക്ഷ്യമന്ത്രി ജി.ആര്. അനില്. കരാറുകാരുടെ പണിമുടക്ക് റേഷന് വിതരണത്തെ ബാധിക്കില്ലെന്നും മന്ത്രി പറഞ്ഞു.
എന്നാല് പണം അക്കൗണ്ടില് എത്താതെ സമരം പിന്വലിക്കില്ലെന്നാണ് ട്രാന്സ്പോര്ട്ടിംഗ് കോണ്ട്രാക്ടേഴ്സ് അസോസിയേഷന്റെ നിലപാട്.കുടിശിക മുടങ്ങിയതിനെ തുടര്ന്നാണ് ട്രാന്സ്പോര്ട്ടിംഗ് കോണ്ട്രാക്ടേഴ്സ് അസോസിയേഷന് ഇന്ന് മുതല് പണിമുടക്ക് നടത്തുന്നത്.
പണിമുടക്കിന്റെ പശ്ചാത്തലത്തില് റേഷന് കടകളിലേക്ക് സാധനം എത്തിയില്ലെങ്കില് സംസ്ഥാനത്ത് റേഷന് വിതരണം സ്തംഭിക്കുമെന്ന് റേഷന് വ്യാപാരികളും അറിയിച്ചു.എന്നാല് ആവശ്യത്തിന് സാധനങ്ങള് റേഷന് കടകളില് ഉണ്ടെന്നാണ് ഭക്ഷ്യവകുപ്പിന്റെ കണക്കുകൂട്ടല്.
