റാഞ്ചി: ഇക്കൊല്ലം നടക്കുന്ന പാരിസ് ഒളിംപിക്സില് സ്ഥാനമുറപ്പിക്കാന് ഭാരത വനിതാ ഹോക്കി ടീം ഇന്ന് അമേരിക്കയ്ക്കെതിരെ ആദ്യ യോഗ്യതാ പോരാട്ടത്തിന്.
റാഞ്ചിയില് ഇന്ന് പൂള് ബിയിലെ ഭാരതത്തിന്റെ ആദ്യ മത്സരമാണ്. ഇതിന് മുമ്പ് അമേരിക്കയ്ക്കെതിരെ ഭാരത വനിതകള് മത്സരിച്ചിട്ടുള്ളത് കഴിഞ്ഞ ഒളിംപിക്സ് യോഗ്യതാ മത്സരത്തിലാണ്. അന്ന് ഹോം മാച്ചില് ഭാരതം 5-1ന് ജയിച്ചപ്പോള് ഏവേ മാച്ചില് 4-0ന് തോല്ക്കുകയും ചെയ്തിരുന്നു. സൂപ്പര് ഗോള് നേട്ടത്തോടെ അഗ്രിഗേറ്റ് സ്കോറില് 6-5ന് മുന്നിലെത്തി ഭാരതം വിജയിച്ചിരുന്നു. അന്ന് അമേരിക്കന് പരിശീലക സ്ഥാനത്തുണ്ടായിരുന്ന ജാന്നെക് സ്കോപ്മാന് ഇപ്പോള് ഭാരതത്തിന്റെ പ്രധാന പരിശീലകനാണ്.
അമേരിക്കയെ കൂടാതെ ന്യൂസീലന്ഡ്, ഇറ്റലി ടീമുകളാണ് ഗ്രൂപ്പില് ഉള്പ്പെട്ട മറ്റുള്ളവര്. ഇന്ന് വൈകീട്ട് 7.30നാണ് അമേരിക്കയ്ക്കെതിരായ പോരാട്ടം.
