കോട്ടയം: എം ജി സര്‍വകലാശാല ചൊവ്വാഴ്ച നടത്താനിരുന്ന പരീക്ഷകള്‍ മാറ്റി. പുതുക്കിയ തീയതികള്‍ പിന്നീട് അറിയിക്കുമെന്ന് സര്‍വകലാശാല അറിയിച്ചു.
ഇടുക്കി ജില്ലയില്‍ ഇടതുമുന്നണി ഹര്‍ത്താല്‍ പ്രഖ്യാപിച്ച പശ്ചാത്തലത്തിലാണ് പരീക്ഷകള്‍ മാറ്റിയത്. ഗവര്‍ണര്‍ക്കെതിരായ പ്രതിഷേധത്തിന്റെ ഭാഗമായാണ് ഹര്‍ത്താല്‍.
ചൊവ്വാഴ്ച ഗവര്‍ണര്‍ ഇടുക്കി ജില്ലയില്‍ എത്തുന്നുണ്ട്. വ്യാപാരി, വ്യവസായി ഏകോപന സമിതിയുടെ പരിപാടിയില്‍ പങ്കെടുക്കുന്നതിനാണ് ഗവര്‍ണര്‍ തൊടുപുഴയിലെത്തുന്നത്. പരിപാടി തടസപ്പെടുത്തുക ലക്ഷ്യമിട്ടാണ് ഹര്‍ത്താല്‍ പ്രഖ്യാപിച്ചിട്ടുളളത്.
നിയമസഭ പാസാക്കിയ ബില്ലുകളില്‍ ഒപ്പുവയ്‌ക്കാത്ത ഗവര്‍ണറുടെ നടപടിക്കെതിരെ ചൊവ്വാള്ട രാജ്ഭവന്‍ മാര്‍ച്ച് നടത്തുകയാണ് സി പി എം. ഈ അവസരത്തില്‍ തന്നെ ഗവര്‍ണറെ ഇടുക്കിയിലേക്ക് ക്ഷണിച്ച് വരുത്തുന്നതില്‍ സി പി എം നീരസം പ്രകടിപ്പിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: