കാഞ്ഞിരിപ്പളളി: പ്രായപൂര്ത്തിയാകാത്ത കുട്ടികളുടെ മാതാവിനെ സ്വന്തമാക്കാന് കുട്ടികളെ കൊലപ്പെടുത്താന് ശ്രമിച്ചെന്ന കേസില് മന്ത്രവാദി അറസ്റ്റില്. എരുമേലി കനകപ്പലം ഐഷാ മന്സിലില് അംജത് ഷാ (43) യെയാണ് കുമരകം പൊലീസ് അറസ്റ്റ് ചെയ്തത്.
ഒന്പത് വയസുള്ള ആണ്കുട്ടിയേയും സഹോദരനേയും ഇയാള് മര്ദ്ദിച്ചെന്നും ശ്വാസം മുട്ടിച്ച് കൊല്ലാന് ശ്രമിച്ചെന്നുമാണ് കേസ്.
കഴിഞ്ഞവര്ഷം മുതല് കുട്ടികളുടെ വീട്ടുകാരുമായി സൗഹൃദത്തിലായിരുന്നു മന്ത്രവാദി.പലപ്പോഴായി വീട്ടില് വന്നു പോയിരുന്ന ഇയാള് കുട്ടികളുടെ മാതാവുമായി അടുപ്പത്തിലായിരുന്നുവെന്നാണ് റിപ്പോര്ട്ട്. തുടര്ന്നാണ് പരാതിക്കാരനായ കുട്ടിയെയും അനുജനെയും മര്ദ്ദിക്കുകയും നെഞ്ചിന് ചേര്ത്ത് അമര്ത്തിപ്പിടിച്ച് ശ്വാസംമുട്ടിച്ച് കൊലപ്പെടുത്താന് ശ്രമിച്ചതും. സംഭവത്തിനുശേഷം ഇയാള് കടന്നുകളഞ്ഞു.ഇതിനിടയില് ഇവരുടെ പിതാവ് ആത്മഹത്യ ചെയ്യുകയുണ്ടായി.
കുട്ടിയുടെ പരാതിയെ തുടര്ന്ന് കുമരകം പൊലീസ് കേസ് രജിസ്റ്റര് ചെയ്ത് നടത്തിയ അന്വേഷണത്തിലാണ് ഒളിവില്കഴിഞ്ഞിരുന്ന ഇയാളെ കാഞ്ഞിരപ്പള്ളി, പിച്ചകപള്ളിമേട് ഭാഗത്തുനിന്നും സാഹസികമായി പിടികൂടിയത്. അംജത് ഷാ കാഞ്ഞിരപ്പള്ളിയിലും പരിസരപ്രദേശങ്ങളിലും മന്ത്രവാദ ചികിത്സ നടത്തിയിരുന്നതായാണ് പൊലീസ് പറയുന്നത്. പിടികൂടുമ്പോള് ഇയാളുടെ കൈവശം നിരവധി മന്ത്രവാദ തകിടുകളും ഉണ്ടായിരുന്നു.
കുട്ടിയുടെ പിതാവിന്റെ മരണം സംബന്ധിച്ച് പൊാലീസ് വിശദമായി അന്വേഷണം നടത്തിവരികയാണ്.
