തേഞ്ഞിപ്പലം: കാലിക്കറ്റ് സര്വ്വകലാശാലയില് നടന്നു വരുന്ന ദക്ഷിണമേഖല അന്തര് സര്വ്വകലാശാല വനിതാ ചാമ്പ്യന്ഷിപ്പിലെ റൗണ്ട് റോബിന് ലീഗ് റൗണ്ട് മത്സരങ്ങള് ആരംഭിച്ചപ്പോള് വെല്സ് യൂണിവേഴ്സിറ്റിയെ എതിരില്ലാത്ത ഒരു ഗോളിന് പരാജയപ്പെടുത്തി കാലിക്കറ്റ് യൂണിവേഴ്സിറ്റി. അണ്ണാമലയും മദ്രാസ് യൂണിവേഴ്സിറ്റിയും തമ്മിലുള്ള മത്സരം സമനിലയായതിനെ തുടര്ന്ന് ഇരുവരും ഓരോ പോയിന്റ് വീതം നേടി. മത്സരങ്ങളുടെ നിലവാരം മുന്നിര്ത്തിെക്കാണ്ട് ടീമുകള്ക്ക് ദിവസത്തില് ഒരു മത്സരം മാത്രം ഉണ്ടാകുന്ന രീതിയിലാണ് സമയക്രമം ക്രമീകരിച്ചിരിക്കുന്നത്. നാലാം തിയതി വൈകീട്ട് നാലിന് അവസാന മത്സരം നടക്കും.
