ന്യൂദല്ഹി : ക്രിസ്തുമസ് ദിനത്തില് പ്രധാനമന്ത്രിയുടെ വസതിയില് ഒരുക്കിയ വിരുന്നിനെതിരെ പരാമര്ശം നടത്തിയ സിപിഐ നേതാവ് ബിനോയ് വിശ്വത്തിന് മറുപടി നല്കി ബിജെപി ദേശീയ ഉപാധ്യക്ഷന് എ.പി. അബ്ദുള്ളക്കുട്ടി. 1947 ലെ സ്വതന്ത്ര്യ ദിനം കരിദിനമായി കൊണ്ടാടിയവരാണ് കമ്മ്യൂണിസ്റ്റുകാര്. ഗാന്ധി ഇന്ത്യ മാന്തി പുണ്ണാക്കി എന്ന് മുദ്രാവാക്യം വിളിച്ചവരാണ് നിങ്ങളെന്നും ഫേ്സ്ബുക്ക് പോസ്റ്റിലൂടെ അബ്ദുള്ളക്കുട്ടി വിമര്ശിച്ചു.
പ്രധാനമന്ത്രിയുടെ വിരുന്നിനു ശേഷം അവരുടെ വിചാരധാര കൂടി വായിക്കൂ എന്നായിരുന്നു കമ്മ്യൂണിസ്റ്റ് നേതാവ് ബിനോവിശ്വം പറഞ്ഞത്. മോദിജീയുടെ ക്രിസ്തുമസ് വിരുന്നില് പങ്കെടുത്ത ബിഷപ്പുമാരോടും ക്രൈസ്തവ സഹോദരങ്ങളോടും ഉള്ള വിശ്വത്തിന്റെ ഉപദേശം അതായിരുന്നു. സഖാവ് ബിനോയ് വിശ്വം, നിങ്ങളെപ്പോലെ ഞാനും വിചാരധാര വായിച്ചു.
ആനുകാലിക വിഷയങ്ങളോടുള്ള പ്രതികരണങ്ങള് ആയിരുന്നു ബെന്ഞ്ച് ഓഫ് തോട്ട്സ് എന്ന ഗുരുജി ഗോള്വാള്ക്കറുടെ പ്രസ്തുത പുസ്തകം. അത് കാലിക വിഷയങ്ങളോടുള്ള പ്രതികരണങ്ങളുടെ ഒരു സമാഹാരമാണ്. അന്നത്തെ ഇന്ത്യന് സാഹചര്യത്തില് ഗുരുജിയോടും. അദ്ദേഹം എഴുതിയ ഓരോ വരികളോടും പുനഃവായനയില് യോജിക്കുന്ന ഒരാളാണ് ഞാന്. ഇന്ത്യന് സ്വാതന്ത്ര്യ സമരത്തിന്റെ അവസാന ഘട്ടത്തില് ഭാരതത്തെ 16 കഷങ്ങളാക്കി വിഭജിക്കണം എന്ന് വാദിക്കുകയും, ബ്രിട്ടീഷ് കാര്ക്ക് എഴുത്ത് നല്കുകയും
ചെയ്ത കമ്മ്യൂണിസ്റ്റുകാരെ ഭാരതത്തിന്റെ ശത്രുക്കള് എന്നല്ലാതെ പിന്നെ എന്താണ് വിശേഷിപ്പിക്കേണ്ടത്.
അഖണ്ഡ ഭാരതത്തെ രണ്ടായി വെട്ടി മുറിച്ച് ഭിന്നിപ്പിച്ച് ഹിന്ദു, മുസ്ലിം രാഷ്ട്രങ്ങള് ഉണ്ടാക്കണം എന്ന് വാദിച്ച മുസ്ലിം ലീഗ് നേതാവ് ജിന്നയേയും, മുസ്ലിം മതമൗലിക വാദികളേയും ഭാരതത്തിന്റെ ശത്രുക്കള് എന്നല്ലാതെ പിന്നെ എന്താണ് വിളിക്കേണ്ടത്. ആ ലേഖനങ്ങള് ഇപ്പോഴും ഉയര്ത്തി കാട്ടി മതസ്പര്ദ്ദ ഉണ്ടാക്കാന് ശ്രമിക്കുന്ന നിങ്ങളെ വര്ത്തമാന കാലം വെറുതെ വിടില്ല. നരേന്ദ്രമോദി എന്ന വിശ്വവിഖ്യാതനായ നേതാവ് നടത്തിയ ക്രിസ്തുമസ് വിരുന്ന് ലോകം മുഴുവന് ശ്രദ്ധിച്ചതാണ്. ആ ക്രിത്സ്മസ് ആഘോഷത്തെ നിന്ദിച്ച അങ്ങ് ഇന്ത്യയുടെ പുതിയ ശത്രുവാണ്. വിദ്വേഷത്തിന്റെ വെറുപ്പിന്റെ വാക്കുകള് കൊണ്ട് നാടിനെ നശിപ്പിക്കുന്ന നിങ്ങളുടെ രാഷ്ട്രീയം പുതിയ തലമുറ തിരിച്ചറിയുന്നുണ്ട്.
1947 ലെ ഇന്ത്യയുടെ സ്വാതന്ത്ര്യം അംഗീകരിക്കാത്തവരാണ് നിങ്ങള്. സ്വതന്ത്ര്യ ദിനം കരിദിനമായി കൊണ്ടാടിയവരാണ് കമ്മ്യൂണിസ്റ്റുകാര്… ഗാന്ധി ഇന്ത്യ മാന്തി പുണ്ണാക്കി എന്ന് മുദ്രാവാക്യം വിളിച്ചവരാണ് നിങ്ങള്. രണദിവെയുടെ കൊല്ക്കത്താ തീസീസിലൂടെ ഇന്ത്യന് പാര്ലമെന്റും, ഭരണഘടനയും അട്ടിമറിച്ച് വിപ്ലവം നടത്താന് ആഹ്വാനം ചെയ്ത വിഡ്ഢികളായിരുന്നു നിങ്ങള്. ഇന്ദിരാ ഗാന്ധി ഒരു പെണ് ഹിറ്റ്ലറായി അടിയന്തിരാവസ്ഥ പ്രഖ്യാപിച്ച് ജനാധിപത്യം കൊല ചെയ്തപ്പോള് അതിന് ജയ് വിളിച്ച തല്ലിപൊളികളായിരുന്നു ബിനോയ് വിശ്വത്തിന്റെ നേതാക്കള്.
അടിയന്തിരാവസ്ഥയെ ജയപ്രകാശ് നാരായണന്റെ അനുയായികളായ ബീഹാറിലും, യുപിയിലേയും പാവങ്ങള് പൊരുതി തോല്പിച്ചപ്പോള്, ഇന്ദിരയെ പോലും തറപറ്റിച്ചപ്പോള്, കേരളത്തില് 20 – 20 സീറ്റിലും ഇന്ദിരയെ ജയിപ്പിക്കാന് ജയ് വിളിച്ച് നടന്ന ചുമരെഴുതി പോസ്റ്റര് ഒട്ടിച്ച് നടന്ന ഒരു പഹയനാണ് താങ്കള്, അങ്ങിനെ പറയേണ്ടി വന്നതില് എന്നോട് ക്ഷമിക്കുക…
മിസ്റ്റര് ബിനോയ് വിശ്വം,
നിങ്ങള് ജീവിതത്തിന്റെ അധികാലവും റഷ്യയിലും, കിഴക്കന് യൂറോപ്പിലും കമ്മ്യൂണിസ്റ്റ് ഫാസിസ്റ്റ് ഭരണാധികാരികളുടെ ചെലവില് സുഖിച്ച് ജീവിച്ചയാളാണ് എന്ന് ഇവിടെ എല്ലാ സഖാക്കള്ക്കും അറിയാം. അത് കൊണ്ട് മിണ്ടാതിരുന്നോ. അതാ നല്ലത്. അല്ലെങ്കില് പലതും ഞങ്ങള്ക്ക് വിളിച്ച് പറയേണ്ടി വരും.
https://www.facebook.com/abdullakuttyofficial/videos/205513565975285
