ന്യൂദല്ഹി: സംസ്ഥാനത്തെ കോവിഡ് നിരക്ക് ഉയര്ന്നുതന്നെയെന്ന് കണക്കുകള് പുറത്തുവിട്ട് കേന്ദ്ര ആരോഗ്യ മന്ത്രാലയം. കേരളത്തില് 3128 ആക്ടീവ് കേസുകളാണ്് ഉള്ളത്. കോവിഡ് നിരക്ക് ഉയരുന്ന സാഹചര്യത്തില് കേരളവുമായി അതിര്ത്തി പങ്കിടുന്ന സംസ്ഥാനങ്ങളില് ജാഗ്രത ഏര്പ്പെടുത്തി. കോവിഡ് സ്ഥിരീകരിച്ച എല്ലാ സാമ്പിളുകളും ജനിതകശ്രേണീ പരിശോധനയ്ക്ക് അയക്കാനും കേന്ദ്രം നിര്ദേശിച്ചിട്ടുണ്ട്.
ദക്ഷിണ കന്നഡ ജില്ലയിലെ തലപ്പാടി, സാറഡുക്ക, സ്വര്ഗ, സുള്ള്യപ്പദവ്, ജാല്സൂര് എന്നിവിടങ്ങളിലാണിത്. കേരളത്തില് കോവിഡ് ഉയര്ന്ന സാഹചര്യത്തിലാണ് കര്ണാടകയുടെ നടപടി. ചെക് പോസ്റ്റുകള് സ്ഥാപിച്ചിട്ടുണ്ടെങ്കിലും ബോധവത്ക്കരണം മാത്രമാണ് നിലവില് ഏര്പ്പെടുത്തിയിട്ടുള്ളത്. കേരളത്തില് നിന്ന് വരുന്ന വിദ്യാര്ത്ഥികളില് രോഗലക്ഷണങ്ങള് കണ്ടാല് ഉടന് പരിശോധന നടത്താന് കര്ണാടകയിലെ വിദ്യാഭ്യാസ സ്ഥാപനങ്ങള്ക്ക് അധികൃതര് മുന്നറിയിപ്പ് നല്കിയിട്ടുണ്ട്.
ഇതിനിടയില് കര്ണാടകയില് കോവിഡ് വകഭേദമായ ജെഎന്-1 റിപ്പോര്ട്ട് ചെയ്തു. ഉഡുപ്പി സ്വദേശിയായ 82 വയസുകാരനാണ് ചികിത്സയില് ഉള്ളത്. രാജ്യത്ത്് ഞായറാഴ്ച ഒരു കോവിഡ് മരണവും റിപ്പോര്ട്ട് ചെയ്തിട്ടുണ്ട്്. എന്നാല് നിലവില് വിമാനത്താവളങ്ങളില് തല്കാലം നിയന്ത്രണങ്ങള് ഏര്പ്പെടുത്തേണ്ടതില്ലന്നൊണ് കേന്ദ്ര തീരുമാനം.
