തിരുവനന്തപുരം : നവകേരള സദസ്സില്‍ പ്രതിഷേധവുമായി എത്തിയവര്‍ക്ക് ക്രൂരമായി മര്‍ദ്ദനം ഏറ്റെന്ന ആരോപണങ്ങള്‍ക്കിടെ പോലീസുകാര്‍ക്ക് അഭിനന്ദനവുമായി ഡിജിപി. പോലീസിന്റേത് മികച്ച പ്രകടനം ആയിരുന്നെന്നാണ് എഡിജിപിയുടെ വിലയിരുത്തല്‍.
നവകേരള സദസ്സില്‍ ക്രമസമാധനം ഉറപ്പുവരുത്തിയ പോലീസുകാര്‍ക്ക് ഗുഡ് സര്‍വീസ് എന്‍ട്രിയും സ്തുത്യര്‍ഹര്‍ സേവനം നടത്തിയവര്‍ക്ക് ഗുഡ് സര്‍വീസ് എന്‍ട്രി നല്‍കാനാണ് എസ് പിമാര്‍ക്കും ഡിഐജിമാര്‍ക്കും നിര്‍ദ്ദേശം നല്‍കിയിരിക്കുന്നത്. ക്രമസമാധാന ചുമതലയുള്ള എഡിജിപിയാണ് ഇത് സംബന്ധിച്ച് നിര്‍ദ്ദേശം നല്‍കിയത്.
നവകേരള സദസ്സിനിടെ പ്രതിഷേധക്കാരെ ആക്രമിച്ചതായി പോലീസിനെതിരെ വ്യാപക പരാതിയാണ്. കൂടാതെ പ്രതിഷേധക്കാരെ തല്ലിച്ചതയ്‌ക്കാന്‍ പോലീസ്് ഒത്താശചെയ്തു. കരിങ്കൊടിയുമായി പ്രതിഷേധിച്ചവരെ ഡിവൈഎഫ്‌ഐക്കാര്‍ തല്ലിച്ചതച്ചപ്പോള്‍ പോലീസ് നോക്കുകുത്തിയായെന്നും ആരോപണമുണ്ട്. അതിനിടെയിലാണ് പോലീസുകാര്‍ക്ക് സമ്മാനം നല്‍കുന്നത്.
പ്രതികരിക്കാൻ ഇവിടെ എഴുതുക: