ന്യൂദല്ഹി: ഉപരാഷ്ട്രപതി ധന്കര് എന്നത് ഓര്ക്കുന്നതേ പ്രതിപക്ഷപാര്ട്ടികള്ക്ക് ഭയമാണ്. കാരണം പാര്ലമെന്റംഗമെന്ന നിലയ്ക്കുള്ള സുദീര്ഘമായ പരിചയവും നിയമപരിജ്ഞാനവും കാരണം ജഗദീപ് ധന്കര് എന്ന രാജ്യസഭാ അധ്യക്ഷനെ സഭയില് ജയിക്കുക എളുപ്പമല്ല. അല്പജ്ഞാനം വെച്ച് രാജ്യസഭയില് ആളാവാന് ജഗ്ദീപ് ധന്കര് സമ്മതിക്കില്ല. അതിനാല് കോണ്ഗ്രസ്, തൃണമൂല്, ആര്ജെഡി, ഡിഎംകെ, തുടങ്ങി പ്രതിപക്ഷപാര്ട്ടികളിലെ എംപിമാര്ക്കെല്ലാം കണ്ണിലെ കരടാണ് ധന്കര്. ഇദ്ദേഹത്തെ രാജ്യസഭാ അധ്യക്ഷപദവിയിലേക്ക് മോദി കൊണ്ടുവന്നത് തന്നെ രാജ്യസഭ കൃത്യതയോടെ നിയന്ത്രിക്കാന് അദ്ദേഹത്തിന് കഴിയുമെന്നതിനാലാണ്.
ഇപ്പോഴിതാ ആ ജഗദീപ് ധന്കറെ ഒരു പ്രതിപക്ഷ എംപി അപഹാസ്യമായ രീതിയില് പരിഹസിച്ച് അഭിനയിക്കുന്ന വീഡിയോ വൈറലായിരിക്കുകയാണ്.141 എംപിമാരെ അച്ചടക്കലംഘനത്തിന്റെ പേരില് പാര്ലമെന്റില് നിന്നും പുറത്താക്കിയതിനെ തുടര്ന്ന് നേരമ്പോക്ക് എന്ന നിലയിലാണ് തൃണമൂല് എംപി കല്യാണ് ബാനര്ജി ജഗ്ദീപ് ധന്കറിനെ അനുകരിച്ച് തുടങ്ങിയത്. പുറത്തകാക്കപ്പെട്ട എംപിമാര് പാര്ലമെന്റിന് പുറത്ത് വട്ടം കൂടിയിരിക്കുന്നതിനിടയിലാണ് ഈ അനുകരിച്ചുകൊണ്ടുള്ള പരിഹാസം നടന്നത്.
ഇന്ത്യയുടെ ഉപരാഷ്ട്രപതിയെ അപമാനിക്കുന്ന ആ മോണോ ആക്ട് കാണാന് രാഹുല് ഗാന്ധി എത്തി എന്ന് മാത്രമല്ല, തന്റെ ക്യാമറയില് അത് ആവേശത്തോടെ പകര്ത്തുകയും ചെയ്തു. കല്യാണ് ബാനര്ജിയുടെ മോണോ ആക്ട് കണ്ട് മറ്റ് പ്രതിപക്ഷ എംപിമാരെല്ലാം പൊട്ടിച്ചിരിക്കുകയും പ്രോത്സാഹിപ്പിക്കുകയും ചെയ്യുന്നത് വീഡിയോയില് കാണാം. അതിനനുസരിച്ച് ആവേശം മൂത്താണ് കല്യാണ് ബാനര്ജി, ജഗ്ദീപ് ധന്കറുടെ വിവിധ ചേഷ്ടകള് വീണ്ടും വീണ്ടും അനുകരിക്കുന്നത്. ഇതില് ഏറ്റവും തമാശ ഇന്ത്യയുടെ ഉപരാഷ്ട്രപതിയെ അപമാനിക്കുന്ന ആ മോണോ ആക്ട് കാണാന് രാഹുല് ഗാന്ധി എത്തുന്നതാണ്. ഈ മോണോ ആക്ടിനെ രാഹുല് ഗാന്ധി പ്രോത്സാഹിപ്പിക്കുന്നു എന്ന് മാത്രമല്ല, തന്റെ ക്യാമറയില് പകര്ത്താനും ശ്രമിക്കുന്നു. രാഹുല് ഒരു എംപി എന്ന നിലയില്, കോണ്ഗ്രസ് നേതാവ് എന്ന നിലയില്, ഗാന്ധി കുടുംബാംഗം എന്ന നിലയില് പാലിക്കേണ്ട ഒരു അന്തസ്സും പാലിക്കാതെ പെരുമാറുകയും ചെയ്യുകയാണ്. അങ്ങാടിയില് തോറ്റതിന് അമ്മയോട് എന്ന രീതിയിലായിരുന്നു എംപിമാരുടെ ഈ പെരുമാറ്റം.
തമിഴ്നാട്ടില് നിന്നുള്ള ബിജെപി എംപി സി.ആര്.കേശവന് പങ്കുവെച്ച പ്രതിപക്ഷ എംപി ഉപരാഷ്ട്രപതിയെ പരഹസിക്കുന്ന വീഡിയോ. രാഹുല് ഗാന്ധി ആ മോണോ ആക്ട് മൊബൈലില് പകര്ത്തുന്നതും കാണാം. .:
Opposition MP’s ridiculing Vice President of India. Imagine their conduct rather misconduct inside our sacred parliament. Rahul Gandhi who behaves like a clown in parliament winking and hugging, is seen here mocking and recording this vile act . Shame ! pic.twitter.com/L5akdS9Wt8
— C.R.Kesavan (@crkesavan) December 19, 2023
എംപിമാരെ സസ്പെന്റ് ചെയ്തതിന് ഇതിനേക്കാള് നല്ല ഒരു ഉദാഹരണം വേറെ ചൂണ്ടിക്കാട്ടാനില്ലെന്ന് പറഞ്ഞ് ഇതേ വീഡിയോ ബിജെപിയും പങ്കുവെച്ചിട്ടുണ്ട്:
If the country was wondering why Opposition MPs were suspended, here is the reason…
TMC MP Kalyan Banerjee mocked the Honourable Vice President, while Rahul Gandhi lustily cheered him on. One can imagine how reckless and violative they have been of the House! pic.twitter.com/5o6VTTyF9C
— BJP (@BJP4India) December 19, 2023
പിന്നീട് രാജ്യസഭയില് യോഗം ചേര്ന്നപ്പോള് കോണ്ഗ്രസിന്റെ മുതിര്ന്ന പാര്ലമെന്റേറിയനായ പി.ചിദംബരത്തോട് ഉപരാഷ്ട്രപതി തന്റെ ഹൃദയവേദന പങ്കുവെച്ചു. കോണ്ഗ്രസിനെപ്പോലെ ഇത്രകാലം ഇന്ത്യ ഭരിച്ച ഒരു പാര്ട്ടിയുടെ നേതാവില് നിന്നും ഇങ്ങിനെ ഒരു പെരുമാറ്റം പ്രതീക്ഷിച്ചില്ലെന്നും ജഗദീപ് ധന്കര് പറഞ്ഞു. താന് ഒരു ഉപരാഷ്ട്രപതി എന്നതിനപ്പുറം ഒരു കര്ഷകനും ജാട് വംശജനും ആണെന്നും തന്നെ പരിഹസിക്കുക വഴി അവര് ഒരു കര്ഷകനെയും ജാട്ടുവംശജരെയും കൂടി അപമാനിക്കുന്നതിന് തുല്ല്യമാണെന്നും ജഗദീപ് ധന്കര് സഭയില് പറഞ്ഞു.
