ജയ്പൂര്: രാജസ്ഥാന് മുഖ്യമന്ത്രി ഭജന്ലാല് ശര്മ്മക്ക് നേരിട്ടെത്തി ആശംസകള് നേര്ന്ന് ബിജെപി ദേശീയ നിര്വാഹക സമിതി അംഗം പി.കെ. കൃഷ്ണദാസ്. സംഘടനാതലത്തില് മികച്ച പ്രവര്ത്തനം നടത്തിയ ഭജന് ലാലിന് മുഖ്യമന്ത്രി പദത്തിലും ശോഭിയ്ക്കാന് സാധിക്കട്ടെയെന്നും അദേഹം ആശംസ അറിയിച്ചു.
രാജസ്ഥാന് മുഖ്യമന്ത്രിയുടെ സത്യപ്രതിജ്ഞ ചടങ്ങില് പങ്കെടുത്ത ശേഷം സംസാരിക്കുകയായിരുന്നു അദേഹം. റെയില്വെ ബോര്ഡിന് കീഴിലുള്ള പാസഞ്ചേഴ്സ് അമിനിറ്റി കമ്മിറ്റിയില് 2018 20, 2021 23 കാലയളവുകളില് രണ്ട് തവണ ഞാന് ചെയര്മാനായിരുന്നപ്പോഴും ഭജന് ലാല് ശര്മ്മ കമ്മിറ്റിയിലെ അംഗമായിരുന്നു. കമ്മിറ്റി അംഗമെന്ന നിലയില് മാത്രമല്ല വ്യക്തിപരമായും അദേഹവുമായി നല്ല ബന്ധം സൂക്ഷിയ്ക്കാന് സാധിച്ചുവെന്നും കൃഷ്ണദാസ് പറഞ്ഞു.
സത്യപ്രതിജ്ഞ ചടങ്ങില് സംബന്ധിയ്ക്കാന് ക്ഷണം കിട്ടിയപ്പോള് മറ്റ് തിരക്കുകള് ഒഴിവാക്കി ജയ്പൂരിലെത്തിയതും ഊഷ്മളമായ സൗഹൃദത്തിന്റെ അടിസ്ഥാനത്തിലായിരുന്നു. ഭജന്ലാലിന്റെ ഭാവി പ്രവര്ത്തനങ്ങള്ക്ക് എല്ലാവിധ ഭാവുകളും നേരുന്നുവെന്നും അദേഹം ആശംസിച്ചു.
