പത്തനംതിട്ട: സോപാനത്ത് ഇന്ന് മുതൽ ക്യൂ സംവിധാനം. സ്ത്രീകൾക്കും കുട്ടികൾക്കുമാണ് പ്രത്യേക ക്യൂ സംവിധാനം സജ്ജമാക്കിയിരിക്കുന്നത്. പതിനെട്ടാം പടി കയറിവരുന്ന കുട്ടികൾക്കും സ്ത്രീകൾക്കും പ്രത്യേകം സൗകര്യം ഒരുക്കിയിരിക്കുന്നതായി അധികൃതർ വ്യക്തമാക്കി.
സന്നിധാനത്ത് തിരക്ക് വർദ്ധിക്കുന്നതിന്റെ പശ്ചാത്തലത്തിലാണ് പുതിയ നീക്കം. ഇന്ന് രാവിലെ ആറ് മണി വരെ 21,000 അയ്യപ്പഭക്തരാണ് പതിനെട്ടാം പടി കയറിയത്. പുലർച്ചെ ശബരിമലയിൽ മഴ പെയ്തിരുന്നു. സന്നിധാനത്ത് അനിയന്ത്രിതമായ തിരക്ക് വന്നതോടെ ഭക്തർ തിരികെ മടങ്ങിയിരുന്നു. ഈ സാഹചര്യത്തിലാണ് പുതിയ നീക്കം.
