കൊല്ലം: മാവേലിക്കരയില് ആറു വയസ്സുകാരിയായ മകളെ വെട്ടിക്കൊന്ന കേസിലെ പ്രതിയായ ശ്രീമഹേഷ് പൊലീസ് കസ്റ്റഡിയില് യാത്ര ചെയ്യവെ ട്രെയിനില് നിന്ന് ചാടി മരിച്ചു. വൈകിട്ട് നാലിന് ശാസ്താംകോട്ട റെയില്വേ സ്റ്റേഷനിലായിരുന്നു സംഭവം.
ആലപ്പുഴ കോടതിയില് ഹാജരാക്കിയ ശേഷം പ്രതിയായ ശ്രീ മഹേഷിനെ തിരുവനന്തപുരം സെന്ട്രല് ജയിലിലേക്ക് മെമു ട്രെയിനില് കൊണ്ടു പോവുകയായിരുന്നു പൊലീസ് സംഘം. സ്റ്റേഷനില് നിന്ന് ട്രെയിന് പുറപ്പെട്ടപ്പോള് ശുചിമുറിയില് പോകണമെന്ന് ആവശ്യപ്പെട്ട മഹേഷ് ടെയിനില് നിന്ന് പുറത്തേക്ക് ചാടുകയും അടിയില്പ്പെടുകയുമായിരുന്നു. മൃതദേഹം ശാസ്താംകോട്ട താലൂക്ക് ആശുപത്രിയില് സൂക്ഷിച്ചിരിക്കുകയാണ്.
ജൂണ് ഏഴിന് രാത്രിയിലാണ് മാവേലിക്കര പുന്നമൂട് ആനക്കൂട്ടില് നക്ഷത്രയെ മഴു ഉപയോഗിച്ച് പിതാവ് കൊലപ്പെടുത്തിയത്. അമ്മ സുനന്ദയേയും ഇയാള് ആക്രമിച്ച് പരിക്കേല്പ്പിച്ചിരുന്നു. തുടര്ന്ന് നാട്ടുകാരുടെ സഹായത്തോടെ പൊലീസ് ഇയാളെ കീഴ്പ്പെടുത്തി അറസ്റ്റ് ചെയ്യുകയായിരുന്നു.
