ഖബേര്ഹ: ദക്ഷിണാഫ്രിക്കന് പര്യടനത്തിനെത്തിയ ഭാരതം ഇന്ന് രണ്ടാം ട്വന്റി20 മത്സരത്തിനിറങ്ങും. ഞായറാഴ്ച ഡര്ബനില് നടക്കേണ്ട മത്സരം മഴകാരണം മുടങ്ങിപ്പോയിരുന്നു. ടോസ് നിര്ണയം പോലും നടത്താനാകാത്ത വിധം മഴ ശക്തമായതിനെ തുടര്ന്ന് കളി ഉപേക്ഷിക്കുകയായിരുന്നു.
ഇന്നത്തെ രണ്ടാം മത്സരം ഖബേര്ഹയിലെ സെന്റ് ജോ
ര്ജ് പാര്ക്ക് സ്റ്റേഡിയത്തിലാണ്. മൂന്ന് മത്സര പരമ്പരയിലെ രണ്ടാം മത്സരമാണിത്. ഇരുടീമുകള്ക്കും പരമ്പര സ്വന്തമാക്കാന് ഇന്നത്തെ മത്സരം ജയിച്ചേ മതിയാകൂ. പരമ്പരയില് അവശേഷിക്കുന്ന രണ്ട് മത്സരങ്ങളില് ഇന്ന് ജയിക്കുന്നവര്ക്ക് വ്യാഴാഴ്ച്ച ജോബന്നാസ്ബര്ഗില് നടക്കുന്ന മൂന്നാം മത്സരം കൂടി ജയിച്ച് പരമ്പര സ്വന്തമാക്കാം. ഇന്ന് പരാജയപ്പെടുന്നവര്ക്ക് അന്നത്തെ കളിയില് ജയിച്ചാല് പരമ്പര സമനിലയിലുമാക്കാം.
ഇതിന് ശേഷം മൂന്ന് മത്സര ഏകദിന പരമ്പരകള് നടക്കും. ഈ മാസം 26നാണ് ടെസ്റ്റ് പരമ്പര ആരംഭിക്കുന്നത്. രണ്ട് മത്സര പരമ്പരയാണ് ഷെഡ്യൂള് ചെയ്തിരിക്കുന്നത്.
