കൊല്ക്കത്ത: കേന്ദ്രസര്ക്കാര് ഹിന്ദു ഫാസിസ്റ്റ് സംരംഭമാണെന്ന് ആക്ഷേപിച്ച നടന് പ്രകാശ് രാജിനും നോവലിസ്റ്റ് അരുന്ധതി റോയിക്കും എതിരെ പ്രമുഖ അഭിഭാഷകന് മിത ബാനര്ജി കൊല്ക്കത്ത ഹൈക്കോടതിയില് പൊതുതാല്പ്പര്യ ഹര്ജി നല്കി.
ഇക്കഴിഞ്ഞ ജൂണിലാണ് അരുന്ധതി അന്താരാഷ്ട്ര വാര്ത്താ ചാനലായ അല്ജസീറയ്ക്ക് നല്കിയ അഭിമുഖത്തില് ഇങ്ങനെ പറഞ്ഞത്. പ്രകാശ് രാജ് എക്സിലാണ് ഇത്തരമൊരു പരാമര്ശം നടത്തിയത്.
കല്ക്കട്ട ഹൈക്കോടതിയില് ചീഫ് ജസ്റ്റിസ് ടി എസ് ശിവഗണം, ജസ്റ്റിസ് ഹിരണ്മോയ് ഭട്ടാചാര്യ എന്നിവരടങ്ങിയ ഡിവിഷന് ബെഞ്ചാണ് ഹര്ജി പരിഗണിച്ചത്. കേസിന്റെ അടുത്ത വാദം 2024 ജനുവരി 20ന് കേള്ക്കും.
