കാലടി: പഠനവും കലയും ഒന്നിച്ച് കൊണ്ടുപോകുന്നതിന്റെ സന്തോഷത്തിലാണ് കാക്കനാട് ഭവന്സ് ആദര്ശ വിദ്യാലയിലെ അനശ്വര രമേശ്. സ്കോളര്ഷിപ്പുകളും കലാ-വിദ്യാഭ്യാസ മത്സരങ്ങളും അനശ്വര ഒഴിവാക്കാറില്ല.
കുച്ചിപ്പുടിയില് ‘ആലോകയെ’ എന്ന പാട്ടിലൂടെ ഒന്നാം സ്ഥാനത്തേക്കാണ് അനശ്വര ചുവടുവച്ച് കയറിയത്. ഭരതനാട്യത്തില് മൂന്നാം സ്ഥാനവും അനശ്വരക്ക് സ്വന്തമാണ്. നൃത്തത്തിന് പുറമെ പദ്യപാരായണം, തത്സമയ പ്രസംഗം, മോണോആക്ട്, ശാസ്ത്രീയ സംഗീതം, കോഡിങ് എന്നിവയിലും സജീവമാണ്. നവസരംഭ ആശയങ്ങള് നിര്ദേശിക്കുന്നതിനായി ടൈ യങ് ഓണ്ട്രപ്രണേഴ്സ് ഗ്ലോബല് പിച്ച് പ്രസന്റേഷനില് ജേതാക്കളായ സിറ്റ്ലൈന് എന്ന ടീമിന്റെ സിഇഒയും അനശ്വരയായിരുന്നു.
