കൊച്ചി : തിരുവനന്തപുരത്ത് നിന്നെത്തിച്ച ഹൃദയം എറണാകുളത്തെ സ്വകാര്യ ആശുപത്രിയില് ചികിത്സയില് കഴിയുന്ന കായംകുളം സ്വദേശി ഹരിനാരായണനില് വച്ചു പിടിപ്പിച്ചു.നാല് മണിക്കൂറെടുത്താണ് ശസ്ത്രക്രിയ പൂര്ത്തിയാക്കിയത്.
തിരുവനന്തപുരത്തു നിന്ന് ഹെലികോപ്റ്ററിലാണ് ഹൃദയം കൊച്ചിയിലെത്തിച്ചത്.രാവിലെ 11.30ഓടു കൂടിയാണ് ശസ്ത്രക്രിയ ആരംഭിച്ചത്.
ശസ്ത്രക്രിയ വിജയകരമായിരുന്നുവെന്നും അടുത്ത 48 മണിക്കൂര് നിര്ണായകമാണെന്നും ശസ്ത്രകിയയ്ക്ക് നേതൃത്വം നല്കിയ ഡോക്ടര് ജോസ് ചാക്കോ പെരിയപുറം അറിയിച്ചു.
ഹരി നാരായണന്റെ കുടുംബം ഒപ്പം നിന്ന എല്ലാവര്ക്കും നന്ദി പറഞ്ഞു. തിരുവനന്തപുരത്തെ സ്വകാര്യ ആശുപത്രിയില് നിന്നും രാവിലെ11.10ന് എയര് ആംബുലന്സില് കൊച്ചിയിലെത്തിച്ച ഹൃദയം ഒട്ടും താമസയാതെ സ്വകാര്യ ആശുപത്രിയിലെ ഓപ്പറേഷന് തിയറ്ററില് എത്തിക്കുകയായിരുന്നു.
കന്യാകുമാരി സ്വദേശി, ചികിത്സയിലിരിക്കെ മരിച്ച സെല്വിന് ശേഖറിന്റെ ഹൃദയമാണ് ദാനം ചെയ്തത്. സെല്വിന് ശേഖറിന്റെ ആറ് അവയവങ്ങളാണ് മറ്റ് രോഗികള്ക്ക് വച്ചു പിടിപ്പിച്ചത്.
