മലയാളി മാദ്ധ്യമപ്രവർത്തക സൗമ്യ വിശ്വനാഥൻ കൊല്ലപ്പെട്ട കേസിൽ ശിക്ഷാ വിധി ഇന്ന്. 15 വർഷത്തെ നിയമപോരാട്ടത്തിനൊടുവിലാണ് വിധി എത്തുന്നത്. കേസിലെ പ്രതികളായ രവി കപൂർ, അമിത് ശുക്ല, ബൽജിത് മാലിക്, അജയ് കുമാർ, അജ്യ് സേഥി എന്നിവർ കുറ്റക്കാരാണെന്ന് കഴിഞ്ഞ 18-ന് കോടതി വിധിച്ചിരുന്നു.
ആദ്യ നാല് പ്രതികൾക്കെതിരെ വധശിക്ഷയോ ജീവപര്യന്തം തടവോ ലഭിക്കുന്ന കുറ്റങ്ങളാണ് ചുമത്തിയിരിക്കുന്നത്. ശിക്ഷ വിധിക്കുന്നതിന് മുമ്പ് പ്രതികളുടെ പശ്ചാത്തലവും ജയിലിലെ പെരുമാറ്റവും ഉൾപ്പെടെയുള്ള പ്രീ സെന്റൻസ് റിപ്പോർട്ട് സമർപ്പിക്കുന്നതിനും കോടതി നിർദ്ദേശം നൽകിയിരുന്നു.
ശിക്ഷാ വിധിയിലുള്ള വാദം പൂർത്തി ആയതിനെ തുടർന്നാണ് സാകേത് സെഷൻസ് കോടതിയിലെ അഡീഷനൽ ജഡ്ജി എസ് രവീന്ദർ കുമാർ പാണ്ഡേ കേസ് ഇന്നത്തേക്ക് മാറ്റിയത്. നാല് പ്രതികൾക്ക് മേൽ കൊലക്കുറ്റവും ഒരാൾക്ക് മക്കോക്ക നിയമപ്രകാരവും ആണ് കുറ്റം ചുമത്തിയിരിക്കുന്നത്.
പ്രതികരിക്കാൻ ഇവിടെ എഴുതുക: