കോഴിക്കോട്: പ്രണയം നടിച്ച് 15 കാരിയെ തട്ടിക്കൊണ്ട് പോയ ശേഷം വിറ്റെന്ന കേസില്‍ കസ്റ്റഡിയില്‍ നിന്ന് ചാടി പോയ പ്രതി പൊലീസ് പിടിയിലായി. അസം സ്വദേശി നസീദുല്‍ ശൈഖിനെ ആണ് പിടികൂടിയത്.
ഭവാനിപുരയില്‍ നിന്നാണ് നല്ലളം പൊലീസ് ഇയാളെ പിടികൂടിയത്.2023 ഒക്ടോബറിലായിരുന്നു കേസിനാധാരമായ സംഭവം നടന്നത്.
കോഴിക്കോട് കുടംബത്തിനൊപ്പം താമസിച്ചുവന്ന പെണ്‍കുട്ടിയുടെ വീടിന് സമീപമായിരുന്നു പ്രതിയായ നസീദുല്‍ ശൈഖ് താമസിച്ചിരുന്നത്. പെണ്‍കുട്ടിയുമായി അടുപ്പത്തിലായ പ്രതി പ്രണയം നടിച്ച് പെണ്‍കുട്ടിയുടെ വിശ്വാസം നേടി. തുടര്‍ന്ന് തട്ടികൊണ്ടുപോയ ശേഷം ഹരിയാന സ്വദേശിക്ക് 25,000 രൂപയ്‌ക്ക് വില്‍ക്കുകയായിരുന്നു.
