മഥുര : മഥുര ശ്രീകൃഷണ ജന്മഭൂമി ക്ഷേത്രത്തില്‍ പ്രധാനമന്ത്രി നരേന്ദ്രമോദി ദര്‍ശനം നടത്തി. കവിയും കൃഷ്ണഭക്തയുമായ മീരാഭായിയുടെ 525ാം ജന്മദിനാഘോഷത്തോടനുബന്ധിച്ച് നടക്കുന്ന ചടങ്ങില്‍ പങ്കെടുക്കാനായി എത്തിയതായിരുന്നു അദ്ദേഹം.
ഭക്തിയുടേയും വിശ്വാസത്തിന്റേയും ഏറ്റവും മികച്ച ഉദാഹരണമാണ് മീരാഭായ്. അവരുടെ ഓരോ കവിതയും ഈരടികളുമെല്ലാം കൃഷണഭഗവാനായ് സമര്‍പ്പിച്ചിരിക്കുകയാണ്. മീരാഭായിയുടെ കുടുംബവും രാജസ്ഥാനിലെ ജനങ്ങളും നമ്മുടെ മതപരമായ സ്ഥലങ്ങളുടെ സംരക്ഷത്തിനായി തങ്ങളിലുണ്ടായിരുന്നതെല്ലാം ത്യജിച്ചെന്നും പ്രധാനമന്ത്രി പറഞ്ഞു. ചടങ്ങിനെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. ശ്രീകൃഷ്ണജന്മഭൂമി ക്ഷേത്രത്തില്‍ ദര്‍ശനം നടത്തുന്ന ഇന്ത്യയുടെ ആദ്യ പ്രധാനമന്ത്രിയാണ് നരേന്ദ്രമോദി.
പ്രതികരിക്കാൻ ഇവിടെ എഴുതുക