തൃശൂര്‍: കരുവന്നൂര്‍ ബാങ്ക് തട്ടിപ്പ് കേസില്‍ സിപിഎം തൃശൂര്‍ ജില്ലാ സെക്രട്ടറി എംഎം വര്‍ഗീസ് എന്‍ഫോഴ്‌സ്‌മെന്റ് ഡയറക്ടറേറ്റിന് മുന്നില്‍ വെളളിയാഴ്ച ഹാജരാകാന്‍ സാധ്യത. ഹാജരാകാന്‍ അസൗകര്യം അറിയിച്ചിരുന്നെങ്കിലും ഇഡി അംഗീകരിച്ചില്ല. സമയം നീട്ടി നല്‍കണമെന്ന വര്‍ഗീസിന്റെ ആവശ്യം ഇഡി നിരസിക്കുക മാത്രമല്ല നാളെ തന്നെ ഹാജരാകണന്നും ആവശ്യപ്പെട്ടു.
കഴിഞ്ഞ ഏഴാം തിയതിയാണ് ചോദ്യം ചെയ്യലിന് ഹാജരാകണമെന്ന് നോട്ടീസ് നല്‍കിയത്. എന്നാല്‍ അസൗകര്യം അറിയിച്ച് വര്‍ഗീസ് ഇഡിക്ക് ഇ മെയില്‍ അയച്ചത് കഴിഞ്ഞ ദിവസമാണ്.
അതിനിടെ, കരുവന്നൂര്‍ കേസില്‍ പ്രതികള്‍ക്ക് കുറ്റപത്രത്തിന്റെ ഡിജിറ്റല്‍ പകര്‍പ്പ് നല്‍കാനുളള ഇ ഡി നല്‍കിയ അപേക്ഷ കോടതി അംഗീകരിച്ചു.ആദ്യമായാണ് ഡിജിറ്റല്‍ കുറ്റപത്രം നല്‍കാന്‍ കോടതി അനുമതി നല്‍കുന്നത്.
ആദ്യഘട്ട കുറ്റപത്രം 26000 പേജുണ്ട്. 50 പ്രതികള്‍ക്ക് പകര്‍പ്പ് നല്‍കാന്‍ 17 ലക്ഷം രൂപ ചെലവാകുമെന്നത് കൂടു കണക്കിലെടുത്താണ് തീരുമാനം.
പ്രതികരിക്കാൻ ഇവിടെ എഴുതുക: