ദാര്‍ എസ് സലാം(ടാന്‍സാനിയ): കേന്ദ്രമന്ത്രി വി. മുരളീധരന്റെ ടാന്‍സാനിയ സന്ദര്‍ശനം ഇന്ന് അവസാനിക്കും. ടാന്‍സാനിയയിലെ ദാര്‍ എസ് സലാമിലെ കോമണ്‍വെല്‍ത്ത് യുദ്ധസ്മാരകത്തിലെത്തിയ അദ്ദേഹം ഭാരതസൈനികര്‍ക്ക് ആദരാഞ്ജലികള്‍ അര്‍പ്പിച്ചു. അവരുടെ ത്യാഗം സ്മരണയില്‍ ശാശ്വതമായി നിലനില്‍ക്കുമെന്നും അദ്ദേഹം അഭിപ്രായപ്പെട്ടു. ഇന്ത്യ-ടാന്‍സാനിയ ബിസിനസ് ഫോറവും അദ്ദേഹം ഉദ്ഘാടനം ചെയ്തു.
സാന്‍സിബാറില്‍ എത്തിയ അദ്ദേഹത്തെ വിദ്യാഭ്യാസ മന്ത്രി ലെലെ മുഹമ്മദ് മുസ സ്വീകരിച്ചു. കേന്ദ്രവിദ്യാഭ്യാസ മന്ത്രാലയം ടാന്‍സാനിയയിലെ വിദ്യാഭ്യാസ തൊഴില്‍ പരിശീലന മന്ത്രാലയവുമായി ഒപ്പുവച്ച ധാരണ പ്രകാരം സാന്‍സിബാറില്‍ ആരംഭിച്ച ഐഐടി മദ്രാസ് കാമ്പസില്‍ മന്ത്രി സന്ദര്‍ശനം നടത്തി. അദ്ധ്യാപകരും വിദ്യാര്‍ത്ഥികളുമായി സംവദിച്ചു.
സാന്‍സിബാര്‍ പ്രസിഡന്റ് ഹുസൈന്‍ അലി മ്വിനിയുമായി വി. മുരളീധരന്‍ കൂടിക്കാഴ്ച നടത്തി. ഭരണ നേതൃത്വവും ഇന്ത്യന്‍ സമൂഹവുമായുള്ള കൂടിക്കാഴ്ചകളെ പ്രതീക്ഷയോടെ നോക്കിക്കാണുന്നതായി കേന്ദ്രമന്ത്രി പ്രതികരിച്ചു.
പ്രതികരിക്കാൻ ഇവിടെ എഴുതുക: