കല്‍പ്പറ്റ : മുസ്ലിംലീഗ് യുഡിഎഫ് വിടുമെന്ന വിധത്തില്‍ പ്രചരിക്കുന്ന ഊഹാപോഹങ്ങളെല്ലാം അസ്ഥാനത്താണെന്ന് പാണക്കാട് സാദിഖലി ശിഹാബ് തങ്ങള്‍. പാലക്കാട് ജില്ലാ കൗണ്‍സില്‍ സംഘടിപ്പിച്ച തളിര് പഠനക്യാമ്പില്‍ പങ്കെടുത്ത് സംസാരിക്കരുകയായിരുന്നു അദ്ദേഹം.
ലീഗ് ഒരിഞ്ചുപോലും യുഡിഎഫില്‍ നിന്നും മാറി മടക്കില്ല. യുഡിഎഫിന്റെ നെടുംതൂണായി മുന്നില്‍ തന്നെ ലീഗുണ്ടാകും. മുന്നണി മാറുന്നതിനായി ഏതെങ്കിലും ബാങ്ക് വഴി പോകേണ്ടതില്ല. മുന്നണി മാറുമെന്ന പ്രതീക്ഷയില്‍ ആരെങ്കിലും അടുപ്പത്ത് വെള്ളം വെച്ചിട്ടുണ്ടെങ്കില്‍ അത് കളഞ്ഞേക്കുക. ആ തീ കത്താന്‍ പോകുന്നില്ല.
പാര്‍ട്ടികള്‍ക്ക് വ്യത്യസ്ത അഭിപ്രായങ്ങള്‍ ഉണ്ടാകാം. അത് മുന്നണി ബന്ധത്തെ ബാധിക്കില്ല .വര്‍ഷങ്ങളായി തുടരുന്ന കോണ്‍ഗ്രസ്- ലീഗ് ബന്ധം കൂടുതല്‍ കെട്ടുറപ്പോടെ സ്വാദിഖലി തങ്ങളുടെ നേതൃത്വത്തില്‍ മുന്നോട്ടു കൊണ്ടുപോകും. മോശം പെര്‍ഫോമെന്‍സുള്ള സംസ്ഥാന സര്‍ക്കാരിനെ മാറ്റാന്‍ ലീഗ് മുന്നിലുണ്ടാകും. മുന്നണി മാറ്റം ഉണ്ടാകില്ല. മുന്നണിയുടെ നട്ടെല്ലായി പ്രവര്‍ത്തിക്കുന്ന മുസ്ലിം ലീഗ് വിശ്വാസ്യതയുടെ കാര്യത്തില്‍ വഞ്ചന കാണിക്കില്ലെന്ന് ചടങ്ങില്‍ പങ്കെടുത്ത പി.കെ. കുഞ്ഞാലിക്കുട്ടിയും പറഞ്ഞു.
പ്രതികരിക്കാൻ ഇവിടെ എഴുതുക: