വിയ്യൂര്: സെന്ട്രല് ജയിലിലെ തടവുകാരന് കുപ്രസിദ്ധ ഗുണ്ട മരട് അനീഷിനെ ബ്ലേഡ് കൊണ്ട് തലയിലും ദേഹത്തും മുറിവേല്പ്പിച്ചു. തടയാന് ശ്രമിച്ച ജയില് ഉദ്യോഗസ്ഥനും മര്ദ്ദനമേറ്റു. അനീഷിനെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
അമ്പായത്തോട് അഷറഫ് ഹുസൈന് ആണ് അനീഷിനെ ആക്രമിച്ചത്. വ്യക്തിവൈരാഗ്യമാണ് ആക്രമണത്തിന് കാരണമെന്നാണ് വിവരം.ആശുപത്രി ബ്ലോക്കില് നിന്ന് ഭക്ഷണം കഴിക്കാന് പോകവെ ആക്രമിക്കുകയായിരുന്നു.
തട്ടിക്കൊണ്ടുപോകല്, കൊലപാതകശ്രമ കേസുകളില് തേവര പൊലീസ് ആണ് മരട് അനീഷിനെ അറസ്റ്റ് ചെയ്തത്. പനങ്ങാട്, തൃക്കാക്കര പൊലീസ് സ്റ്റേഷനുകളില് ഇയാള്ക്കെതിരെ പുതുതായി എടുത്ത കേസുകളിലാണ് അറസ്റ്റ്.
