ഷില്ലോങ്(മേഘാലയ): സീസണിലെ ആദ്യ തോല്‍വി വഴങ്ങി ഗോകുലം കേരള. ഐ ലീഗില്‍ ഇന്നലെ നടന്ന മത്സരത്തില്‍ ഷില്ലോങ് ലാജോങ്ങിനോട് 3-1നാണ് പരാജയപ്പെട്ടത്. അവുരെട തട്ടകത്തില്‍ നടന്ന മത്സരം തോറ്റതിന് പിന്നാല ഇന്നലെ നടന്ന മറ്റൊരു കളിയില്‍ ശ്രീനിധി ഡെക്കാന്‍ വമ്പന്‍ ജയം നേടിയതോടെ കേരളത്തിന് പട്ടികയിലെ രണ്ടാം സ്ഥാനം നഷ്ടമായി.
ട്രാവുവിനെതിരെ ഇറങ്ങിയ ശ്രീനിധി ഡെക്കാന്‍ ഇന്നലെ എതിരില്ലാത്ത അഞ്ച് ഗോളിന്റെ തകര്‍പ്പന്‍ ജയമാണ് നേടിയത്. ഇതോടെ പത്ത് പോയിന്റുമായി ഗോകുലത്തിനൊപ്പമാണെങ്കിലും അഞ്ച് ഗോളടിച്ച് ജയിച്ചത് ഗുണം ചെയ്തു. മൂന്ന് ഗോള്‍ വ്യത്യാസത്തിലാണ് ശ്രീനിധി ഗോകുലത്തെ മറികടന്ന് രണ്ടാമതായത്. ആദ്യപകുതിയില്‍ ഒരുഗോളിന്റെ മാത്രം ലീഡുണ്ടായിരുന്ന അവര്‍ രണ്ടാം കളിയില്‍ മാല് ഗോളുകളടിച്ചു. ജഗ്ദീപ് സിങ് ഇരട്ട ഗോളടിച്ച മത്സരത്തില്‍ ഗുര്‍മുഖ് സിങ്, ലാല്‍റോമാവിയ, ഡേവിഡ് കാസ്റ്റനനേഡ മുനോസ് എന്നിവരും സ്‌കോര്‍ ചെയ്തു.
ഷില്ലോങിനെതിരായ പോരാട്ടത്തില്‍ ഗോകുലം ആദ്യ പകുതിയില്‍ സമനില പാലിച്ചതാണ്. 29-ാം മിനിറ്റില്‍ ഡാനിയേല്‍ ഗോന്‍കാല്‍വെസിലൂടെ അവര്‍ മുന്നിലെത്തിയെങ്കിലും 43-ാം മിനിറ്റില്‍ നിലി ഗോകുലത്തിനായി ഗോള്‍ മടക്കി.
രണ്ടാം പകുതിയില്‍ വീണുകിട്ടിയ പെനല്‍റ്റി 75-ാം മിനിറ്റില്‍ ഷില്ലോങ് ലക്ഷ്യത്തിലെത്തിച്ച് വീണ്ടും മുന്നേറി. ഇന്‍ജുറി ടൈമില്‍ ഹാര്‍ഡി നോങ്ബ്രിയിലൂടെ ലീഡ് വര്‍ദ്ധിപ്പിച്ചു.
പ്രതികരിക്കാൻ ഇവിടെ എഴുതുക: