ചെന്നൈ: വാര്ത്താസമ്മേളനത്തില് നടി തൃഷയ്ക്കെതിരെ അശ്ലീല പരാമര്ശങ്ങള് നടത്തി നടന് മന്സൂര് അലിഖാന്. ലിയോ സിനിമയില് വില്ലന്കഥാപാത്രമായി അഭിനയിച്ച മന്സൂര് അലിഖാന് സിനിമയുടെ പ്രൊമോഷന്റെ ഭാഗമായി മാധ്യമങ്ങളോട് സംസാരിക്കുകയായിരുന്നു.
“ലിയോയില് അഭിനയിക്കണമെന്ന് അറിയിച്ചപ്പോള് തൃഷയുമായി ഒരു ബലാത്സംഗസീനെങ്കിലും ഉണ്ടാകുമെന്ന് കരുതി. പണ്ട് റോജയെയും ഖുശ്ബുവിനെയും കിടക്കയില് എടുത്തുപൊക്കി ഇട്ടതുപോലെ തൃഷയേയും എടുത്തുപൊക്കാന് കഴിയുമെന്ന് കരുതി. എനിക്കത് ചെയ്യാന് നല്ല ആഗ്രഹമുണ്ടായിരുന്നു. എന്നാല് കശ്മീരിലെ ഷൂട്ടിംഗില് തൃഷയെ പൊതിഞ്ഞുകെട്ടി കൊണ്ടുപോയ നിര്മ്മാതാവ് തനിക്ക് തൃഷയെ ഒന്നു കാട്ടിക്കൊടുക്കുക പോലും ചെയ്തില്ല. സിനിമയില് ഒരു ബെഡ് റൂം സീന് പോലും ഇല്ലാത്തതില് നല്ല നിരാശയുണ്ട്. 150 ഓളം സിനിമകളില് ബലാത്സംഗം ചെയ്ത ആളാണ് ഞാന്”- മന്സൂര് അലിഖാന് പറഞ്ഞു.
നടി തൃഷയുടെ ട്വീറ്റ്:
A recent video has come to my notice where Mr.Mansoor Ali Khan has spoken about me in a vile and disgusting manner.I strongly condemn this and find it sexist,disrespectful,misogynistic,repulsive and in bad taste.He can keep wishing but I am grateful never to have shared screen…
— Trish (@trishtrashers) November 18, 2023
മന്സൂര് അലിഖാന് എനിക്കെതിരെ നികൃഷ്ടമായ രീതിയില് സംസാരിക്കുന്നതിന്റെ വീഡിയോ കണ്ടു. ഇത്രയ്ക്ക് പുരുഷമേധാവിത്വം നിറഞ്ഞ, ലൈംഗികച്ചുവയുള്ള, അധമമായ ആ പ്രസ്താവനയെ ഞാന് അപലപിക്കുന്നു. – തൃഷ പറഞ്ഞു. ഇനി കഴിയുന്നതും മന്സൂര് അലിഖാനുമൊത്ത് അഭിനയിക്കില്ലെന്നും തൃഷ പറഞ്ഞു.
ലോകേഷ് കനകരാജിന്റെ തിയറ്ററുകളില് തകര്ത്തോടുന്ന ലിയോ എന്ന ചിത്രത്തില് വിജയിനൊപ്പമാണ് തൃഷയും മന്സൂര് അലിഖാനും മുഖ്യകഥാപാത്രങ്ങളായി വേഷമിട്ടത്.
