ന്യൂദല്‍ഹി: ജെയ്ഷെ മുഹമ്മദ് ഭീകരന്‍ മൗലാന മസൂദ് അസറിന്റെ ഉറ്റസുഹൃത്തും കൊടും ഭീകരനുമായ മൗലാന റഹീമുല്ലാ താരിഖിനെ കറാച്ചിയില്‍ വെടിവച്ചു കൊലപ്പെടുത്തി. മത ചടങ്ങില്‍ പങ്കെടുക്കാന്‍ പോകുകയായിരുന്ന താരിഖിന് നേരെ അജ്ഞാതര്‍ വെടിയുതിര്‍ക്കുകയായിരുന്നു.
പാകിസ്ഥാന്‍ ആസ്ഥാനമായി ഭീകരസംഘടന ലഷ്‌കര്‍-ഇ-തൊയ്ബയുടെ മുതിര്‍ന്ന കമാന്‍ഡറായ അക്രം ഖാന്‍ ഗാസിയെ വെടിവെച്ച് കൊലപ്പെടുത്തി ദിവസങ്ങള്‍ മാത്രം കഴിഞ്ഞപ്പോഴാണ് താരിഖിനെയും വധിക്കുന്നത്.പാകിസ്ഥാനിലെ ഖൈബര്‍ പഖ്തൂണ്‍ഖ്വയിലെ ബജൗര്‍ ജില്ലയില്‍ ബൈക്കിലെത്തിയ അക്രമികളാണ് ഗാസിയെ വെടിവച്ചു കൊന്നതത്.
കാശ്മീരിലേക്ക് ഭീകരരെ റിക്രൂട്ട് ചെയ്തതില്‍ പ്രധാനിയായിരുന്നു ഗാസി. 2018-ല്‍ ജമ്മു കശ്മീരിലെ സുഞ്ജുവാനിലെ ഇന്ത്യന്‍ സൈനിക ക്യാമ്പിലുണ്ടായ ഭീകരാക്രമണത്തില്‍ പങ്കു വഹിച്ച ലഷ്‌കര്‍ കമാന്‍ഡര്‍ മിയ മുജാഹിദ് എന്ന ഖ്വാജ ഷാഹിദിനെ തട്ടിക്കൊണ്ടുപോയി കൊലപ്പെടുത്തിയിരുന്നു. പത്താന്‍കോട്ട് ആക്രമണത്തിന്റെ സൂത്രധാരനായ ഷാഹിദ് ലത്തീഫിനെയും അജ്ഞാതര്‍ പള്ളിയിലെ പ്രാര്‍ഥനക്കിടെ വെടിവെച്ച് കൊന്നിരുന്നു.
പ്രതികരിക്കാൻ ഇവിടെ എഴുതുക: